روداوێکی هاتوچۆ لە رۆژهەڵاتی کوردستان مردنی 8 کەسی لێکەوتەوە

02:15 - 19/03/2022

2521جار خوێندراوەتەوە

خەندان-

ئێوارەی دوێنێ روداوێکی هاتوچۆ لەجۆری پێکدادان لەنێوان رێگای مەهاباد ـ بۆکان رویدا و مردنی هەشت کەسی لێکەوتەوە، بەگوێرەی ئامارێکیش لەسێ رۆژی رابردودا 107 کەس لەئێران بە  روداوی هاتوچۆ مردون.

روداوەکە مردنی هەشت کەسی لێکەوتوەتەوە 
رێکخراوی ئاگرکوژێنەوەی شاری مەهاباد ئەمڕۆ شەممە لەراگەیەنراوێکدا باسی لەوەشکردوە، روداوەکە دوێنێ هەینی لەنێوان دو ماشێن لە جۆری پێژۆ و پراید ڕویداوە و بەهۆیەوە هەشت هاوڵاتی  گیانیان لەدەستداوە.
 لە ماوەی سێ ڕۆژدا 107 کەس بەهۆی ڕوداوی هاتوچۆ لە ئێراندا گیانیان لەدەستداوە
ئاماژەی بەوەشکردوە، بەگوێرەی ئاماری ناوەندی زانیاری و کۆنتڕۆڵی ترافیکی پۆلیسی ئێران لە ماوەی سێ ڕۆژدا 107 کەس بەهۆی ڕوداوی هاتوچۆ لە ئێراندا گیانیان لەدەستداوە.
40٪ـی هۆکارەکان بۆ خراپی ئۆتۆمبێلەکانی وڵات دەگەڕێتەوە
ساڵانە لە ئێران زیاتر لە 14 هەزار کەس بە روداوی هاتوچۆ گیان لەدەستدەدەن. بەرپرسانی هاتوچۆش 40٪ـی هۆکارەکان بۆ خراپی ئۆتۆمبێلەکانی وڵات و 60٪یـش بۆ نەبونی رێگەوبانی گونجاو بە ستانداردی جیهانی و پابەندنەبونی هاوڵاتیان بە رێنماییەکان دەگەڕێنەوە.