خه‌ندان-

له‌ئه‌نجامی روداوێكی هاتوچۆ له‌سه‌ر رێگای نێوان دوكان- سلێمانی، ئێواره‌ی ئه‌مڕۆ دوشه‌ممه‌، دو كه‌س مردن و كه‌سێكی دیكه‌ش برینداربو.

سامان نادر به‌ڕێوه‌به‌ری سه‌نته‌ری فریاكه‌وتنی خێرای سلێمانی 122 به‌ خه‌ندان-ی راگه‌یاند، ئێواره‌ی ئه‌مڕۆ دوشه‌ممه‌ له‌ڕوداوێكی هاتوچۆدا لەجۆری وه‌رگه‌ڕان دو كه‌س مردن و كه‌سێكی دیكه‌ش برینداره‌ كه‌ برینه‌كه‌ی سه‌خته‌.

تیمه‌كانمان له‌شوێنی روداوه‌كه‌وه‌ قوربانیه‌كانیان بۆ نه‌خۆشخانه‌ی پیره‌مه‌گرون گواستوه‌ته‌وه‌

وتیشی، "له‌ئێستادا تیمه‌كانمان له‌شوێنی روداوه‌كه‌وه‌ قوربانیه‌كانیان بۆ نه‌خۆشخانه‌ی پیره‌مه‌گرون گواستوه‌ته‌وه‌ و پاش رێكاره‌ یاساییه‌كان بۆ سلێمانی ده‌گوازرێنه‌وه‌

روداوه‌كه‌ له‌ڕێگای سه‌ره‌كی دوكان - سلێمانی له‌ نزیك پرۆژه‌ی ئاوی كۆته‌ڵ رویداوه‌

به‌گوێره‌ی زانیاریه‌كانی خه‌ندان، روداوه‌كه‌ له‌ڕێگای سه‌ره‌كی دوكان - سلێمانی له‌ نزیك پرۆژه‌ی ئاوی كۆته‌ڵ رویداوه‌ و به‌وته‌ی به‌رپرسانی هاتوچۆش، هۆكاری سه‌ره‌كی روداوه‌كه‌ تیژڕه‌وی و له‌ده‌ستدانی كۆنتڕۆڵ بوه‌، له‌ئێستاشدا تیمه‌كانی هاتوچۆ سه‌رقاڵی هێڵكارین بۆ روداوه‌كه‌.