لە وڵاتێکی ئاسیا هەرکەسێک ڤاکسین وەرنەگرێت بۆی نیە هاتوچۆی گشتی بەکاربهێنێت

11:25 - 17/01/2022

1728جار خوێندراوەتەوە

خەندان-

حکومەتی فلیپین رایگەیاند، بڕیاردراوە هەرکەسێک هەردو ژەمی ڤاکسینی کۆرۆنای وەرنەگرتبێت، بۆی نیە هۆکارەکانی گواستنەوەی گشتی بەکاربهێنێت ئەوەش لەچوارچیوەی ناچارکردنی هاوڵاتیان بۆ وەرگرتنی پێکوتە و راگرتنی تەشەنەسەندنی پەتاکەیە.

بڕیارەکە لەلایەن لیژنەی باڵای روبەڕوبونەوەی کۆرۆنا پەسەندکراوە
حکومەتی فلیپین لەبارەی هۆکاری ئەو بڕیارە ئاماژەی بەوەشکردوە، ڤایرۆسی کۆرۆنا و جۆرە گۆڕاوەکانی بەخێرایی بڵاودەبنەوە ئەوەش مەترسی لەسەر تەندروستی گشتی دروستکردوە، بۆیە بڕیارەکە لەلایەن لیژنەی باڵای روبەڕوبونەوەی کۆرۆناش پەسەندکراوە.

بەگوێرەی ئامارەکان رۆژانە زیاتر لە هەزار توشبوی کۆرۆنا لە فلیپین تۆماردەکرێت، رۆژی شەممەی رابردوش بەرزترین ژمارەی توشبوان تۆمارکرا کە 39 هەزار کەس بوە.
بڕیارەکەی حکومەت ناڕەزایی سەندیکای کرێکاران و رێکخراوەکانی مافی مرۆڤی لێکەوتوەتەوە
بڕیارەکەی حکومەت ناڕەزایی سەندیکای کرێکاران و رێکخراوەکانی مافی مرۆڤی لێکەوتوەتەوە، هێزەکانی فلیپینیش هۆشداری دەدەن لەوەی هاوڵاتیان خۆیان بەدوربگرن لەدروستکردنی کارتی ڤاکسینی ساختە چونکە روبەڕوی سزادان دەبنەوە.

نیشانەکردن

ڤاكسینی كۆرۆنا

بەپەلە