خشتەی یارییەكانی خولی نایابی كوردستان

12/5/2019 12:00:00 PM 1358 جار خوێندراوەتەوە

خەندان سپۆرت

 

ئەمرۆ بە ئەنجامدانی شەش یاریی بەهێز لە یاریگە جیاوازەكانی كوردستاندا یارییەكانی گەڕی حەوتەمی خولی نایابی كوردستان بەڕێوەدەچێت.

یانەی برایەتی كە پێشەنگی خولی كوردستانە لە یاریگەی زانكۆ دەبێتە میوانی یانەی نەورۆزی سلێمانی، ئەم یارییە بۆ هیچ كام لەم دو یانەیە ئاسان نابێت، یونس سەلمان تازە هاتۆتە نەورۆز و پێویستی بە سەلماندنی تواناكانی هەیە و یانەی برایەتیش بۆ پارێزگاریكردن لە پێشەنگی خولەكە پێویستی بەوە هەیە یارییەكی باش ئەنجام بدات لە پێناو بەدەستهێنانی سێ خاڵی یارییەكە.

یانەی دهۆكیش ل یاریگەی خۆی میوانداری یانەی پێشمەرگەی سلێمانی دەكات و دەربەندیخانیش روبەروی هەندرێن دەبێتەوە، یانەی سۆران كە پلەی دوەمی خولەكەی گرتوە میوانداری یانەی پێشمەرگەی هەولێر دەكات، زێرەڤانیش لەسەر یاریگەی خۆی روبەروی یانەی شێروانە دەبێتەوە، یانەی سیروانی نوێش لە سلێمانی میوانداری یانەی زاخۆ دەكات و یانەی هەولێریش لە یارییەكانی ئەم هەفتەیە چاوەڕوان دەبێت.



Copyright © 2017 Xendan.org all rights reserved

designed and developed by AVESTA GROUP