برایه‌تی چاوی له‌ نازناوی خولی نایابی تۆپی سه‌رمێزی كوردستانه‌

12/3/2019 10:39:00 PM 1056 جار خوێندراوەتەوە

خەندان سپۆرت -  نووسینگه‌ی راگه‌یاندنی یانه‌ی وه‌رزشی برایه‌تی

 

بریار وایه‌ له‌ رۆژانی 5 تا 8 ـی ئه‌م مانگه‌ به‌به‌شداری هه‌ریه‌ك له‌ یانه‌كانی (برایه‌تی، كۆیه‌، سلێمانی، پێشمه‌رگه‌ی سلێمانی، ئاشتی، ئه‌كاد، هه‌له‌بجه‌ی شه‌هید، كفری، به‌ختیاری، دهۆك، سۆلاڤ و ده‌ربه‌ندیخان) خولی تۆپی سه‌رمێزی یانه‌ نایابه‌كانی كوردستان ئه‌نجام بدرێت.

یارییه‌كانی خوله‌كه‌ بۆ ماوه‌ی 3 رۆژ له‌ شاری دهۆك و له‌ هۆڵی تێنسی سه‌رمێزی یانه‌ی دهۆك ئه‌نجام ده‌درێت و یانه‌ی برایه‌تی ـش یه‌كێكه‌ له‌ یانه‌ به‌شداربووه‌كان و به‌ چوار یاریزان كه‌ پێكهاتوون له‌ (كارزان محه‌ممه‌د، ئه‌بووبه‌كر سه‌عدولڵا و (دیاكۆ ئه‌حمه‌د - كە كوردێكی دانیشتووی وڵاتی سویدە بۆ ئەم خولە بۆندی لەگەڵ یانەكەمان ئیمزاكردووە )و هه‌روه‌ها (محه‌ممه‌د بیلیه‌ ـی پیشه‌گه‌ری میسری) و به‌ راهێنه‌رایه‌تی (به‌ژدار سه‌ربه‌ست) به‌شداری ئه‌م خوله‌ ده‌كات.

خشته‌ی یارییه‌كانی یانه‌ی برایه‌تی له‌ یه‌كه‌م رۆژی خوله‌كه‌:
یاری یه‌كه‌م - پێنجشه‌ممه‌ 5-12-2019 كات: 9:00 ـی به‌یانی
(برایه‌تی - كفری).

یاری دووه‌م - پێنجشه‌ممه‌ 5-12-2019 كات: 11:00 ـی پێش نیوه‌رۆ
(برایه‌تی - دهۆك).

یاری سێیه‌م ـ پێنجشه‌ممه‌ 5-12-2019 كات: 3:30 ـی ئێواره‌
(برایه‌تی - ده‌ربه‌ندیخان).

یاری چواره‌م - پێنجشه‌ممه‌ 5-12-2019 كات: 6:00 ـی ئێواره‌
(برایه‌تی - ئه‌كاد).



Copyright © 2017 Xendan.org all rights reserved

designed and developed by AVESTA GROUP