میمی لە خولی قەتەری گیرساییەوە

7/6/2019 3:39:00 PM 3980 جار خوێندراوەتەوە

خەندان سپۆرت

 

موهەند عەلی یاریزانی یانەی شوڕتە و هەڵبژاردەی عێراق كە ماوەی زیاتر لە شەش مانگە باس لە گرنگی پێدانی ئەو یاریزانە دەكرێت لە لایەن یانەكانی ئەوروپاوە دواجار ئەو یاریزانە یانەیەكی عەرەبی هەڵبژارد بۆ یاریكردن.

رۆژنامەی ستاد دۆحە لە هەواڵێكیدا ئاشكرایكردوە.. كە ئێوارەی ئەمرۆ میمی عێراقی دەگاتە دەوحەی پایتەختی قەتەر لە پێناو واژوكردنی گرێبەست لەگەڵ یانەی دەحیلی قەتەری.

بەڵام رۆژنامەكە وردەكاری زیاتری گرێبەستەكەی ئاشكرا نەكردوەو تا ئیستا دیار نیە كە ئەو یاریزانە بۆ ماوەی چەند ساڵ پەیوەندی بەو یانەوە كردوەو بەهای گرێبەستەكەشی چەندەیە.

لە یارییەكانی جامی نەتەوەكانی ئاسیا بەهۆی ئەو ئاستە بەرزەی موهەند عەلی لەگەڵ هەڵبژاردەی عێراق پێشكەشی كرد، بۆتە جێگەی گرنگی زۆرێك لە یانە بەهێزەكانی ئیمارات و قەتەر، دواجار یانەی دەحیلی قەتەری سەركەوتو بو لە گواستنەوەی ئەو یاریزانە بۆ خولی قەتەری.



Copyright © 2017 Xendan.org all rights reserved

designed and developed by AVESTA GROUP