جیهانی وەرزشی لەنێوان چیژ و بازرگانیکردندا

- 29-09-2019 - 286 جار خوێندراوەتەوە

 

لە ئێستادا دنیا وەرزش بۆتە خواست و ویستی سەردێڕی زۆربەی خەڵکی  ، خەڵک بەجۆری وەرزش دەبینێت و بەڵام جیهانی وەرزش زۆر ئاڵۆزتر و فراوانترە کە ئێمە دەیبینین .

جاران وەرزش چیژ و تایبەتی خۆی هەبوو وە کەسانی کاراماو بەتوانا بوون بەڵام ئیستا هەموو بۆتە بازرگانی و کێبڕکێ کردنی  کۆمپانیاکان و بازرگانەکان کە یاریزانان و وەک کاڵا و شت و مەک  سەیری دەکەن نرخیان لەسەر دادەنێن ، لەولاشەوە سیاسییەکان، کە دەستیان گرتووە بەسەر ئەم وەرزشەدا کە بە وویست و  ئارەزوی ئەوان یاری بە ئەنجامەکان و هەستی خەڵکی دەکەن  و وەک کارتێک بەکاری دەهێنن لە بوارەکاندا و  سەرنج ڕاکێشانی خەڵکی.

هەروەها ئەگەر سەیری هەندێک یارییەکان بکەیت دەبینیت جۆریک مامەڵەکردنی پێشوەختەی پێوە دیارە کە لەلایەن چەند کەسانیکەوە کڕدراوە و ئەنجامەکەی دیارە وە یان بوونی چەند یاریزانیک کە ساڵانە خەڵات دەکرێن کە تیایدا چەند کەسانێکن ساڵانە دوو بارەو سێ بارە خەڵاتەکان بۆ ئەوان دەبن ئەمەش بەهۆی بونی ڕێککەوتن و واژۆکردنی لەگەڵ ئەو کۆمپانیاییەی کە سپۆنسەر کردووە بۆیە هەتاوەکو ئەو کۆمپانیاییانە سپۆنسەریان بن خەڵات و دیاریکردنی باشترینەکان لەژێر سایەی ئەوان دەبێت.
  
وە هەروەها لەگەڵ ئەوەشدا وەرزش بۆ هەندێک ووڵات بۆتە مایەی ناساندن و  خێر کە ساڵانە ئەو وەرزشە دەکرێ دەبێتە هۆی ئەوەی خەڵکی سەردانیان بکەن و ئابوری ووڵاتەکەیان ببوژێتەوە بەڵام بەمەرجێ ئەو ووڵاتەش لەژێر دەسەڵات و وویستی  ئەو کۆمپانییایەدا بێت کە سەرپەرشتی دەکات ، بۆیە لە ئیستادا وەرزش جۆرێک لە  بازرگانی کە هەندێک زیانیان بەر دەکەوێت و هەندێکی تر قازانج.


ئەم وتارە دەربڕی رای نوسەر خۆیەتی و خەندان لێی بەرپرسیار نییە


Copyright © 2017 Xendan.org all rights reserved

designed and developed by AVESTA GROUP