دەوڵەتی میدیای وەرزشی کوردی

- 12-09-2017 - 2106 جار خوێندراوەتەوە

زاگرۆس نانەکەلی

گومان لەوەنیە زانستی میدیای وەرزشی بەشێکی گرنگی میدیای گشتییە،لە کوردەواری خۆشمان دەڵێت کەس لەقەرارەکی نامێنێتەوە،بەڵام میدیای وەرزشی ئێستا بەهۆی ئەوەی گێتی بە نەهێنی و داگیرکارێکی سپی ناوبانگی دەر کردووە و هەموومانی کردووه‌تە دیلی سەدەی بیست ویەک و وڵاتە خەتووەکانیش ئاگادارنین،دەپرسین کورد لەکوێ هاوکێشەکانی کێبڕکێی میدیای وەرزشی جیهانە؟

 

چەک بەداخەوە ! وخشڵ ومرواری و ئامێریە ئەلیکتڕۆنیەکان و جوانکاری خانمان گەرمترین وپڕ فرۆشترین بازاڕی ئێستای جیهانە،ئەوەی دەکرێت بڵێین بۆتە ژمارە چواری بازرگانی جیهان میدیای وەرزشیە،چونکە ئەو جەنجاڵی وپڕ سەرقاڵ بوون وبازرگانی کردن بە بازرگانی دەوڵەتیش میدیای وەرزشییە، بەنموونە سەیری  وڵاتی ئیسپانیا بکەیت،بەهۆی دوو یانەوە،یانەکەش بەبۆنەی دوو یاریزانەوە،چۆن جیهانیان بۆخۆیان کێشکردووە،بازرگانی وگەشت وگوزار و سەرکردەکان وهونەرمەندان و بەرهەم هێنەرەکانی سینەمای و بازرگان وبزنسمانە زەبەلاحەکان و کۆمپانیا هەر گەورەکانی جیهان و ریکلام و بەگشتی هەموو جیهان لەخزمەت وەرزشی ئەم وڵاتە وەستاون،بەڵام سەرکردە ورێبەری و چاوساغی و لەشکرە بەهێزەکە دەوڵەتە زلهێزە سەربەخۆیەکەی میدیای وەرزشیە،کە گێتی کردۆتە ئامانجی واقوڕمان و بۆخۆکێشکردن و قۆرغی کردوون،میدیای وەرزشی ئەمرۆکە نەک بەشێکی میدیای گشتییە،بەڵکو  خۆی بۆ خۆی سەربەخۆی راگەیاندن ولە میدیای گشتی ماڵی خۆی کردووە و بۆتە دەوڵەتێکی سەربەخۆی زلهێزی هەسارەکەمان.

 

لەکۆتا دوو پرسیار حەقە وڵامەکەی بزانین،ئایا میدیای گشتی قبوڵیەتی میدیای وەرزشی لێی جیابێتەوە سەربەخۆی دەوڵەتی میدیای وەرزشی رابگەیەنێت؟ بۆنا خۆ وەکو ئێمەی کورد کێشەی رێکەوتنی سایکس بیکۆیان نیە،پرسیارەکەی تر لەم دەوڵەتە زلهێزەی میدیای وەرزشی ئێستا کە ژیان وهزر و هەسارەکەمانی داگیر کردووە میدیای وەرزشی کوردی چی بەردەکەوێت؟.

 

بەبێ دوو دڵی تا ئێستا  هیچ ،چونکە نەمان توانیوە  یەک چرکە یارییەکی نێودەوڵەتی بە فەڕمی بکڕینەوە !تەنانەت بیریشمان لێ نەکردۆتەوە،چونکە دامەزراندنی دەوڵەتی میدیای وەرزشی پێوویستی بە مقەومات پلان و کارکردن هەیە.نموونەی زیندومان هەیە،وڵاتیک لەرووی دانیشتوان و رووبەر لە شارێکی کوردستان بچووکترە،تەنها بە چوار کەناڵی وەرزشی میوانداری مۆندیالی بردەوە،ئێمەش تا ئێستا ناتوانین کەرستەو مەواد وبەرهەم و چالاکی رۆژانەی کەناڵێکی وەرزشی لۆکاڵی رابپەڕێنین بۆ شارەکانی کوردستان!خۆ ئەگەر یارییەکانی جیهانی نەبێت هەندێک کەناڵی جگە لەوەرزشیش دەچنە خانەی خەوتووەکان،بۆیە تا ئێستا درەنگ نیە و زووە  دەوڵەتی میدیای وەرزشی لەگەڵ جیهان رابگەیەنین، بابیرلەوە بکەینەوە لەکارێک سەرکەوتنمان بەدەست نەهێناوە لامان ئاسایی بێت، با لێرەوە لەڕێگای میدیای وەرزشییەوە  دەوڵەتی میدیای وەرزشی کوردی رابگەیەنین،ئەگەرنا لەقەل وکۆتریش دەبین.


ئەم وتارە دەربڕی رای نوسەر خۆیەتی و خەندان لێی بەرپرسیار نییە


Copyright © 2017 Xendan.org all rights reserved

designed and developed by AVESTA GROUP