دیوە ناشرینەكەی رۆناڵدۆ و مێسی

- 22-06-2017 - 10342 جار خوێندراوەتەوە

سەرکار حاجی
سەرەتا دەمەوێت باس لەگەورەیی ئاست و توانای ئەم دوو ئەستێرەیەی سەردەمی نوێی تۆپی پێی بکەم، لە تۆپی پێدا بێگومان هەمووان ئەوە دەزانین بۆ ماوەی چەندین ساڵە ناوی (لیۆنێل مێسی) و (كریستیانۆ رۆناڵدۆ) لە هەموو روو یەكەوە تەواوی سێكتەرە وەرزشیەكانیان داگیركردووە، بەجۆرێک لە جۆرەکان میدیاكاری وەرزشی بەردەوام دەبێت هەواڵی ئەم دووانە زەبەلاحە وەكو خویێ چێشت لەناو هەواڵەكانی رۆژانەیاندا رەنگ بدەنەوە، هەبن بەهەرحاڵ من باسەكەم لێردا ئەوە نییە گەورەیی ئەم دووانەی ئیسپانیا بە نووسینێك و دوان تەواو نابن.

دەمەوێت سەرنجتان راكێشم بۆ ئەو كێشانەی لەم ماوەیەی رابردوودا رووبەڕووی ئەو دوو یاریزانە بووەتەوە، ئەگەر ببینین بەردەوام لە تۆڕەکانی كۆمەڵایەتی و ماڵپەڕە وەرزشیەكان و ناوخۆی خۆمان بەتایبەتی "لەگەڵ رێزمدا هەندێك میدیاكاری وەرزشی بەشێوەیەكی سۆزداری و خۆشەویستی خۆی بۆ یاریزانەكە دەردەبڕێت بەتایبەت لەم ماوەیەدا میدیاكان بەردەوام باسی باج نەدانی هەردوو یاریزان دەكەن"... هەمووان ئەوە دەزانین مێسی و رۆناڵدۆ چەند كاریگەرییان هەیە لەسەر یانەكانیان بە کەماڵی دڵ دەستكاری هەموو بڕگەیەكی یانەكە دەكەن لە ئێستادا هەردوو یاریزان تۆمەتبارن بە نەدانی باج بەڵێ تۆمەتبارن دەبێت بچنە بەردەم دادگا و پیرۆزیان مەكەن...

تەماشای هەردوو رابردووی هەردوو یانەی بەرشەلۆنە و ریاڵ مەدرید بكە بزانە چەندان ئەستێرە هاتووە لەوێدا خۆری  یارییكردنی ئاوابووە، بەڵام تائێستا هاندەرانی یانەكەو حكومەتی ئەو وڵاتە رێزێكی زۆر لەو كەسایەتیە وەرزشیانە دەگرێت... لە كۆتایی قسەكانمدا دەڵێم مێسی كردەوەكانی مارادۆنا دووبارە دەكاتەوەو رۆناڵدۆش دەبێت بە گاسكۆینی دووەم.

 


ئەم وتارە دەربڕی رای نوسەر خۆیەتی و خەندان لێی بەرپرسیار نییە


Copyright © 2017 Xendan.org all rights reserved

designed and developed by AVESTA GROUP