ڤیدیۆ.. لێڤەرپوڵ وەستانی نیە

1/24/2020 10:47:00 AM 3567 جار خوێندراوەتەوە

خەندان سپۆرت

 

لە كۆتا یاریی هەفتەی 24ی خولی یانەكانی ئینگلتەرا یانەی لێڤەرپوڵ بوە میوانی یانەی وڵفرهامبتۆن و ئەو یانەیەی دوچاری سێیەمین شكست كرد لە یاریگەی خۆیدا.

لە نیوەی یەكەمی یارییەكە و لە خولەكی 8 هێندەرسۆن گۆڵی پێشكەوتنی یانەی میوانی تۆماركرد، نیوەی یەكەمی یارییەكە لە بەرژەوەندی لێڤەرپوڵ كۆتاییهات، لە نیوەی دوەم و لە خولەكی 51ی یارییەكەدا رائول خیمینێز گۆڵی بەرامبەری بۆ یانەی خاوەن یاریگە تۆماركردەوە، بەڵاو یانەی لێڤەرپوڵ لە هێرشەكانی بەردەوام بو تا لە خولەكی 84 رۆبێرتۆ فێرمینۆ گۆڵی دوەم و پێشكەوتنی بۆ لێڤەرپوڵ تۆماركرد و یارییەكەشیان بە ئەنجامی 2-1 گۆڵ بردەوە.

بەم بردنەوەیەش ریدز توانی 40 یاریی پارێزگاری لە شكستی بكات و لە كۆی 23 یاریی پریمەرلیگ لە 22 یاریدا سەركەوتن تۆماربكات، لە ئێستاشدا ئەو یانەیە بە كۆكردنەوەی 67 خاڵ پێشەنگی یانەكانی پریمەرلیگی گرتوە.

 

 

 


نیشانەکردن :

#پریمه‌رلیگ #لیڤەرپوڵ

Copyright © 2017 Xendan.org all rights reserved

designed and developed by AVESTA GROUP