ریزبەندی یەكەمی جیهان سەركەوتنی تۆماركرد

1/23/2020 3:58:00 PM 1390 جار خوێندراوەتەوە

خەندان سپۆرت

 

لە چوارچێوەی یارییەكانی پاڵەوانێتی ئوسترالیای كراوە كە یەكێكە لە چوار پاڵەوانێتیە مەزنەكەی تێنسی سەر زەوی، رافائیل نادالی ریزبەندی یەكەمی جیهان بە سەركەوتوی قۆناغی دوەمی ئەو پاڵەوانێتیەی بڕی.

نادال بەرامبەر فیدریكۆ دیلبونیس یاریی كرد و توانی بە ئاسانی و بە سێ كۆمەڵەی بێ بەرامبەر سەركەوتن بەسەر ئەو یاریزانە ئەرجەنتینیە تۆماربكات، خاڵی كۆمەڵەكانیشی (6-3، 7-6 و 6-1) بون.

بەم بردنەوەیەش نادال خۆی گەیاندە قۆناغی سێیەمی ئەو پاڵەوانێتیە و هاوشانی ئەو یاریزانە ئیسپانیە، ستان ڤاڤرینكای سویسریش خۆی گەیاندە قۆناغی سێیەم.

دانێیل میدڤیدیڤی روسی ریزبەندی چوارەمی جیهان توانی بە سێ كۆمەڵەی بێ وەڵام لە پیدرۆ مارتینێزی ئیسپانی بەرێتەوە، دۆمێنیك تیمیش بە زەحمەت و بە ئەنجامی 3-2 كۆمەڵە سەركەوتنی بەسەر ئەلێكس بۆڵت تۆماركرد.


نیشانەکردن :

#تێنسی سەرزەوی

Copyright © 2017 Xendan.org all rights reserved

designed and developed by AVESTA GROUP