ڤیدیۆ.. ئارسناڵ و چێڵسی بە دو گۆڵ هاوتابون

1/22/2020 11:01:00 AM 1061 جار خوێندراوەتەوە

خەندان سپۆرت

 

لە چوارچێوەی یارییەكانی خولی یانەكانی ئینگلتەرا و لە یاریی لوتكەی هەفتەی 24ی ئەو خولەدا، یانەی چێڵسی لە نێو یاریگە و هاندەرانی خۆی بەرامبەر یانەی ئارسناڵ وەستاییەوە.

لە نیوەی یەكەمی یارییەكەدا و لە خولەكی 26 داڤید لویز لە یانەی ئارسناڵ بە كارتی سور كراییەوە دەرەوەی یاریگە و دواتر و لە خولەكی 28 جۆرجینهۆ بە لێدانی سزا گۆڵی پێشكەوتنی بۆ یانەی چێڵسی تۆماركرد و نیوەی یەكەمی یارییەكە بەو ئەنجامە كۆتایی هات.

لە نیوەی دوەم و لە خولەكی 63ی یارییەكەدا ماتێنیلی گۆڵی بەرامبەری بۆ یانەی ئارسناڵ تۆماركردەوە، بەڵام لە خولەكی 84 سیزار ئەزپیكلیۆتا گۆڵی دوەم و پێشكەوتنی بۆ یانەی چێڵسی تۆماركرد، تەنها سێ خولەك دوای ئەم گۆڵە بێلیرین گۆڵی بەرامبەری بۆ یانەی ئارسناڵ تۆماركردەوە و یارییەكەش بەو ئەنجامە و بە دو گۆڵ بۆ هەرد و یانە كۆتایی هات.

بەم ئەنجامەش چێڵسی بە كۆكردنەوەی 40 خاڵ پلەی چوارەمی گرتوە و ئارسناڵیش تەنها 30 خاڵی كۆكردۆتەوە و ریزبەندی دەیەمی خولەكی گرتوە.



Copyright © 2017 Xendan.org all rights reserved

designed and developed by AVESTA GROUP