بایرن میونشن ئەستێرەیەكی بەرشەلۆنەی دەوێت

1/21/2020 11:28:00 AM 8049 جار خوێندراوەتەوە

خەندان سپۆرت

 

راپۆرتی رۆژنامەكانی ئەمرۆی ئیسپانیا ئاشكرایان كردوە كە یانەی بایرن میونشنی ئەڵمانی چاوی لەسەر یاریزانێكی یانەی بەرشەلۆنەیە و دەیەوووت لە گواستنەوەی زستانەدا ئەو یاریزانە بەرەو ریزەكانی یانەكەی بگوزاێتەوە.

سەرچاوەكان باس لەوەش دەكەن كە یانەی ئەڵمانییەكە دەیەوێت باڵی راستی یاریگەكەی بە یاریزانێكی بەرشەلۆنە بەهێز بكات و بۆ ئەو مەبەستەش دەیەوێت نیلسۆن سمیدۆ لە یانەی بەرشەلۆنەی ئیسپانییەوە بگوازێتەوە بۆ ریزەكانی یانەكەی.

نیلسۆن سمیدۆ لە سەردەمی راهێنەرایەتی ڤاڵڤێردی هەوڵی جێهێشتنی ئەو یانەیەی دەدا، چونكە بەردەوام لەسەر كورسی یەدەك بو، ئەمەش بە تەواوی یارزانەكەی نیگەران كردبو،هەر بۆیە دەیویست ریزەكانی یانە كەتەلۆنییەكە جێبهێڵێت، بەڵام بە هاتنی كیكی سیتین پێدەچێت هاوكێشەكان پێچەوانە بێتەوە و ئەو یاریزانە لە ریزەكانی یانەكەی بمێنێتەوە.

لە ئێستاشدا بە هۆی پێكانی لویس سوارێزەوە یانەی بەرشەلۆنە هەوڵەكانی خستۆتە گەڕ بۆ ئەوەی هێرشبەرێك بۆ جێگەی ئەو یاریزانە بگوازێتەوە، بۆ ئەو مەبەستەش ناوی چەند یاریزانووك بە یانەی بەرشەلۆنەوە دەبەسترێتەوە، لەوانەش لاوتارۆ مارتینێز و پیدرۆ رۆدریگێز و ئۆبامیانگ و هاری كەین.

 

 



Copyright © 2017 Xendan.org all rights reserved

designed and developed by AVESTA GROUP