دو یانەی گەورەی ئینگلتەرا داوای تیمۆ فێرنێر دەكەن

1/19/2020 3:33:00 PM 1497 جار خوێندراوەتەوە

خەندان سپۆرت

 

راپۆرتی رۆژنامەكانی ئینگلتەرا ئاشكراین كردوە كە دو گەورە یانەی ئینگلیزەی هەوڵەكانیان خستۆتەگەڕ لە پێناو ئەوەی هێرشبەرێ یانەی لایپزیكی ئەڵمانی تیمۆ فێرنێر بەرەو ریزەكانی یانەكەیان بگوازنەوە.

رۆژنامەی سپۆرت بێڵدی ئەڵمانی ئاشكرایكردوە كە هەردو یانەی چێڵسی و لێڤەرپوڵ ململانێی توند دەكەن بۆ گواستنەوەی ئەو یاریزانە و دەیانەوێت بە هەرنرخێك بوە لە هاوینی داهاتو ئەو یاریزانە بەرەو پریمەرلیگ بگوازنەوە.

هەمان سەرچاوە ئەوەشی ئاشكرا كردوە بە هۆی كۆتایی نەهاتنی بۆندی ئەو یاریزانە لەگەڵ یانە ئەڵمانییەكە بەرپرسانی یانەی لایپزیك نایانەوێت بە ئاسانی دەسبەرداری ئەو یاریزانە بن و دەیانەوێت پارێزگاری لە مانەوەی بكەن، لە پێناو ئەوەی تیمەكەیان بە تۆكمەی بمێێنێتەوە بۆ یارییەكانی وەرزی داهاتوی خولی ئەڵمانیا و چامپیۆنس لیگ.

لە بۆندس لیگا یانەی لایپزیك پێشەنگی یانەكانی ئەڵمانی گرتوە و نزیكترین ركابەر لێوەی پێنج خاڵ جیاوازی نێوانیانە، فێرنێری هێرشبەری یانەكەش بە تۆماركردنی 20 پێشەنگی گۆڵكارانی خولەكەی گرتوە.

 



Copyright © 2017 Xendan.org all rights reserved

designed and developed by AVESTA GROUP