بەرشەلۆنە نزیكە لە گواستنەوەی یاریزانێكی بەرازیلی

1/15/2020 1:24:00 PM 7849 جار خوێندراوەتەوە

خەندان سپۆرت

 

راپۆرتی رۆژنامەكانی ئیسپانیا ئاشكرایان كردوە كە یانەی بەرشەلۆنەی ئیسپانی زۆر نزیكە لە گواستنەوەی بەهرەمەندێكی بەرازیلی بۆ ریزەكانی یانەكەی.

تۆڕی گلۆبۆ سپۆرتی برازیلی ئاشكرایكردوە، كە یانەی بەرشەلۆنە گەیشتۆتە رێككەوتنی كۆتایی لەگەڵ ماتیۆس فێرناندێزی تەمەن 21 ساڵ و  یاریزانی یانەی پالمێراسی بەرازیل.

هەمان سەرچاوە ئەوەشی ئاشكراكردوە، ئەو یاریزانە راستی هەواڵەكەی بە یاریزانانی یانەكەی ڕاگەیاندوە و ماڵئاوای لێكردن و ئاگاداری كردون كە ریزەكانی یانەی پالمیراس بەرەو بەرشەلۆنە جێدەهێڵێت.

گرێبەستی ئەو یاریزانە بە بەهای 11 ملیۆن یۆرۆ ئەنجامدراوە كە 7 ملیۆنی لە كاتی ئەنجامدانی گرێبەستەكە دەدرێت و چوار میلۆنیش وەك پاداشت و بە پێی ئەو گۆڕانكارییەكانی گرێبەستەكەی دەدرێتە یاریزانەكە.

ماتیۆسی یاریزانی هێڵی ناوەندە و لە سەرەتای یاریكردنییەوە لەگەڵ یانەی بۆتافۆگۆ دەركەوت لە ساڵی 2016 و ساڵی رابردوش بە بەهای 3.5 ملیۆن یۆرۆ پەیوەندی بە یانەی پاڵمیراس كرد و تا هاوینی 2023 گرێبەستی لەگەڵ ئەو یانەیە واژۆ كردوە.

ماتیۆس فێرناندێز 76 یاریی بۆ بۆتافۆگۆ كردوە لە نێوان ساڵانی 2016 بۆ 2018 و لەگەڵ پاڵمێراس 537 خولەك بەشداری یارییەكانی خولی بەرازیلی كردوە و تەنها یەك گۆڵی تۆماركردوە، ئەم یاریزانە درێسی هەڵبژاردەی بەرازیلی پۆشیوە لە تەمەنی 17 ساڵ و 20 ساڵیدا. 



Copyright © 2017 Xendan.org all rights reserved

designed and developed by AVESTA GROUP