لێدوانی رۆژنامەوانی زیدان دوای یارییەكە

1/13/2020 11:12:00 AM 5376 جار خوێندراوەتەوە

خەندان سپۆرت

 

شەوی رابردو لە یاریی كۆتایی جامی سوپەری ئیسپانیا هەردو یانەی ریاڵ مەدرید و ئەتلەتیكۆ مەدرید روبەروی یەكتربونەوە و یارییەكەشیان بە بێ گۆڵ كۆتایی هات و پاشان بە لێدانی یەكلاكەرەوە ریاڵ مەدرید نازناوەكەی بەدەستهێنا.

دوای یارییەكە و لە لێدوانێكی رۆژنامەوانیدا زیدان وتی "ئەتلەتیكۆ لەم یارییەدا بە ئاستێكی زۆر باش دەركەوت و ئەمەش وای كرد یارییەكی كۆتایی بەهێز ببینین، ئێمە هاتین بۆ سعودیە لە پێناو نازناوەكە و ئامانجەكەمان بەدیهێنا"

زیدان "زۆر خۆشحاڵ بون بەوەی ڤاڵڤێردی خەڵاتی باشترین یاریزانی پاڵەوانێتیەكەی پێدرا، چونكە هیچ یاریزانێك هێندەی ڤاڵڤێردی شایستە نەبو، من بۆ ئەو یاریانەی ئەنجامی دەدەم پشت بە هەمو یاریزانەكانم دەبەستم، بۆیە پێویستە پیرۆزیای لە هەمویان بكەم، بە تایبەت كۆرتوا لەم یارییەدا رۆڵێكی كاریگەری بینی لە كاتی لێدانە یەكلاكەرەوەكەكان".

لە كۆتایدا زیزۆ وتی "من باوەڕم بە كاركردنی بەردەوام هەیە و هەوڵ دەدەین بۆ ئەوەی هەمان ریاڵ مەدریدی پێشو دروست بكەینەوە، من وەك یاریزان زۆر شتم بە دەستهێنا، ئێستاش وەك ڕاهێنەر زۆر نازناوم لەگەڵ ریاڵ مەدرید بردوە، بەڵام پێویستە زیاتر خۆمان ماندو بكەین، لە پێناو نازناوی زیاتر".



Copyright © 2017 Xendan.org all rights reserved

designed and developed by AVESTA GROUP