ڤیدیۆ.. پاریس سان جیرمان و مۆناكۆ بەرامبەر بون

1/13/2020 10:33:00 AM 11404 جار خوێندراوەتەوە

خەندان سپۆرت

 

یە چوارچیوەی یارییەكانی هەفتەی 20ی خولی یانەكانی فەرەنسا یانەی پاریس سان جێرمان لە نێو یاریگە و هاندەرانی خۆیدا میوانداری یانەی مۆناكۆی كرد و یارییەكەشیان بە سێ گۆڵ بۆ هەردولا كۆتایهات.

نیوەی یەكەمی یارییەكە بۆ هاندەرانی هەردو یانە پڕ لە چێژ بو، چونكە تەنها لەو نیوەیەدا پێنج گۆڵ تۆماركرا، لە خولەكی 3 نەیمار گۆڵی پێشكەوتنی تۆماركرد، لە خولەكی 7 مارتینێز ئەنجامەكەی بۆ مۆناكۆ یەكسانكردەوە، لە خولەكی 13 وسام بن یەدیر گۆڵی پێشكەوتنی بۆ مۆناكۆ تۆماركرد، لە خولەكی 24 بالۆ تۆریە گۆڵێكی بە هەڵە لە خۆیان تۆماركرد، كە گۆڵی دوەمی یانەی خاوەن یاریگە بو، پێش كۆتایی هاتنی یارییەكە بە سێ خولەك، نەیمار گۆڵی دوەمی خۆی و سێیەمی بۆ پاریس تۆمار كرد و نیوەی یەكەمی یارییەكە بە ئەنجامی 3-2 گۆڵ لە بەرژەوەندی پاریس كۆتایهات، لە نیوەی دوەم و لە خولەكی 70ی یارییەكەدا ئیسلام سلێمانی گۆڵی بەرامبەری بۆ مۆناكۆ تۆماركرد و یارییەكەش بە سێ گۆڵ بۆ هەردولا كۆتایهات.

بەم ئەنجامی یانەی پاریس سانجێرمان بە كۆكردنەوەی 46 خاڵ ریزبەندی یەكەمی یانەكانی خولی فەرەنسای گرتوە و مۆناكۆش 29 خاڵی هەیە و لە پلەی هەشتەمی خولەكەدایە.



Copyright © 2017 Xendan.org all rights reserved

designed and developed by AVESTA GROUP