ڤیدیۆ.. ریاڵ بوە پاڵەوانی جامی سوپەری ئیسپانیا

1/13/2020 12:33:00 AM 3519 جار خوێندراوەتەوە

خەندان سپۆرت

 

لە یاریی كۆتای جامی سوپەری ئیسپانیا هەردو یانەی ریاڵ مەدریدی و ئەتلەتیكۆ مەدرید روبەروی یەكتربونەوە لە پێناو بەدەستهێنانی جامی سوپەری ئیسپانیا كە بۆ یەكەمین جارە بە بەشداری چوار تیم بەڕێوەدەچێت.

لە نیوەی یەكەم ونیوەی دوەمی یارییەكەشدا یاریزانانی هەردو یانە سەركەوتو نەبون لە تۆماركردنی گۆڵ و یارییەكە چوە كاتی زیادكراو و لەو ماوەیەشدا هیچ گۆڵێك تۆمار نەكرا، بۆیە ناوبژیوان بە ناچاری پەنای بردە بەر لێدانی یەكلاكەرەوەو تێیدا رامۆس و هاوڕێكانی بە ئەنجامی (4-1) گۆڵ سەركەوتنیان بەدەستهێنا و نازناوی جامی سوپەری یانەكانی ئیسپانیان بە دەستهێنا.

ئەمە نۆیەم یاریی كۆتایی بو بۆ زیدان وەك راهێنەری یانەی ریاڵ مەدرید كە سەرجەم یارییەكانی بردۆتەوە و نۆ نازناوی بەدەستهێناوە و لە ماوەی چوار ساڵی راهێنەرایەتی بۆ یانەی شاهانە 10 نازناوی بردۆتەوە و جامی سوپەریس بوە یەكەمین دیاری ساڵی نوێ لە زیدانەوە بۆ هاندەرانی یانەی شاهانە.


نیشانەکردن :

#ریال مەدرید

Copyright © 2017 Xendan.org all rights reserved

designed and developed by AVESTA GROUP