ڤیدیۆ.. ریاڵ مەدرید سەركەوتنی بەسەر ڤالەنسیا تۆماركرد

1/8/2020 11:48:00 PM 3737 جار خوێندراوەتەوە

خەندان سپۆرت

 

لە چوارچێوەی یارییەكانی جامی سوپەری ئیسپانیا و لە قۆناغی نیوەی كۆتایی ئەو پاڵەوانێتیە یانەی ریاڵ مەدرید بەرامبەر یانەی  ڤالەنسیا وەستاییەوە و یارییەكەشی بە ئەنجامی 3-1 گۆڵ لێبردەوە.

لە نیوەی یەكەمی یارییەكەدا یانەی ریال مەدرید بە دو گۆڵ پێشكەوت، لە خولەكی 15 تۆنی كرۆس گۆڵێكی نایابی تۆماركردو لە كۆرناڵەوە تۆپەكەی خستە گۆڵەوە، پاشان لە خولەكی 39 ئیسكۆ گۆڵی دوەم بۆ یانەی شاهانە تۆماردەكات، لە نیوەی دوەم و لە خولەكی 65 لۆكا مۆدریچ گۆڵی سێیەمی بۆ یانەی شاهانە تۆماركرد، لە خولەكی 90ی یارییەكەدا دانیال باریخۆ بە لێدانی سزا گۆڵێكی بۆ یانەی ڤالەنسیا تۆماركرد، بەڵام ئەم گۆڵە كاریگەری لەسەر ئەنجاكی یارییەكە نەبو.

بەم بردنەوەیەش یانەی مێرەنگی سەركەوتنی بۆ یاریی كۆتایی جامی سوپەری ئیسپانیا مسۆگەر كرد و لەو قۆناغەشدا بەر براوەی یاریی ئەتلەتیكۆ مەدرید و بەرشەلۆنە دەكەوێت.



Copyright © 2017 Xendan.org all rights reserved

designed and developed by AVESTA GROUP