ئینتەرمیلان یاریزانێكی مانچستەر یونایتدی دەوێت

1/8/2020 2:19:00 PM 1551 جار خوێندراوەتەوە

خەندان سپۆرت

 

راپۆرتە رۆژنامەونەییەكانی ئەمرۆی ئیتاڵیا باس لەوە دەكەن كە یانەی ئینتەر میلانی ئیتاڵی لە هەوڵی ئەوەدایە لە گواستنەوەی زستانەی یاریزاناندا ئەستێرەیەكی یانەی مانچستەر یونایتد بەرەو ریزەكانی یانەكەی بگوازێتەوە.

تۆڕی سكای سپۆرتی ئیتاڵی ئاشكرایكردوە كە بەرپرسانی یانەی نێراتزۆری ئارەزوی گواستنەوەی ئاشلی یۆنگی یاریزانی یانەی مانچستەر یونایتد دەكەن، كە ئەو یاریزانە تەمەن 34 ساڵی لە كۆتایی ئەم وەرزە گرێبەستەكەی لەگەڵ یانەی مانچستەر یونایتد كۆتایی دێت.

هەمان سەرچاوە ئەوەشی ئاشكرا كردوە كە بەرپرسانی یانەی ئینتەر میلانی ئیتاڵی ئامادەن بە گرێبەستێكی 18 مانگی ئەو یاریزانە بەرەو جۆسێبی میاتزا بگوانەوە، بەڵام تا ئێستا ئاشكرا نیە كە بەرپرسانی یانەی مانچستەر یونایتد رێگە بە رۆیشتنی ئەو یاریزانە دەدەن یاخود پارێزگاری لە مانەوەی دەكەن تا كۆتایی گرێبەستەكەی.

لە ئەگەری گواستنەوەی ئەو یاریزانە بە یانەی ئینتەر میلان، لەم وەرزەدا ئاشلی یۆنگ دەبێتە سێیەم یاریزانی یانەی مانچستەر یونایتد كە رو لە یانە ئیتاڵییەكە بكات.

یۆنگ لەسەرجەم پاڵەوانێتییەكانی ئەم وەرزە تەنها لە 18 یاریدا بەشدار بوە و گۆڵێكی تۆماركردوە و گۆڵێكیشی بۆ هاورێكانی دروستكردوە.



Copyright © 2017 Xendan.org all rights reserved

designed and developed by AVESTA GROUP