چێڵسی و لێڤەرپوڵ كێبركێ دەكەن لە پێناو ئەستێرەیەكی لایپزیك

12/31/2019 11:20:00 AM 2296 جار خوێندراوەتەوە

خەندان سپۆرت

 

راپۆرتی رۆژنامەكانی ئینگلتەرا ئاشكرایان كردوە كە هەردو یانەی چیڵسی و لێڤەرپوڵی ئینگلیزی كێبركێی یەكتر دەكەن لە پێناو بەدەستهێنانی توانكانی یاریزانێكی یانەی لایپزیكی ئەڵمانی.

رۆژنامەی زە سەنی بریتانی ئاشكرایكردوە كە بەهۆی ئەو ئاستە بەرزەی تیمۆ فێرنۆ لەگەڵ یانەی لایپزیك پێشكەشی كردوە لە یارییەكانی ئەو وەرزەی خولی یانەكانی ئەڵمانیا، ئەو یاریزانە بۆتە جێگەی بایەخ و گرنگی پێدانی زۆرێك لە یانە بەهێزەكانی ئەوروپا.

هەمان سەرچاوە ئەوەشی ئاشكراكردوە كە لامپارد بیر لە گواستنەوەی ئەو هێرشبەرە دەكاتەوە لە مێركاتۆی زستانەدا و یانەی لێڤەرپوڵیش لە پێناو زیاتر بەهێزكردنی هێڵی پێشەوەی یانەكەی دەیەوێت ئەو یاریزانە بەرەو ئانفێڵێد بگوازێتەوە.

لە ئێستادا یانەی لایپزیكی ئەڵمانی بە كۆكردنەوەی 37 خاڵ پێشەنگی یانەكانی ئەڵمانیای گرتوە و تیمۆ فێرنۆش بە تۆماركردنی 18 گۆڵ ریزبەندی دوەم گۆڵكاری خولەكەی گرتوە.


نیشانەکردن :

#لیڤەرپوڵ #چێڵسی

Copyright © 2017 Xendan.org all rights reserved

designed and developed by AVESTA GROUP