ڤیدیۆ.. چێڵسی لوتگەی پریمەرلیگی بردەوە

12/22/2019 9:15:00 PM 2553 جار خوێندراوەتەوە

خەندان سپۆرت

 

لە میانەی یارییەكانی هەفتەی 18ی خولی یانەكانی ئینگلتەرا یانەی تۆتنهام بە سەركردایەتی مۆرینیۆ لە نێو یاریگە و هاندەرانی خۆی میوانداری یانەی چێڵسی كرد و یارییەكەشی بە ئەنجامی دو گۆڵی بێ بەرامبەر پێدۆڕاند.

لە نیوەی یەكەمی یارییەكەدا یانەی میوان بە دو گۆڵ پێشكەوت، لە خولەكی 12 ویلیانی بەرازیلی گۆڵی پێشكەوتنی بۆ یانەی میوان تۆماركرد، هەمان یاریزان لە كۆتا خولەكی نیوەی یەكەم گۆڵی دوەمی بۆ چێڵسی تۆماركرد، لە نیوەی دوەمی یارییەكەشدا ئەنجامەكە گۆڕانی بەسەردا نەهات و چێڵسی لە دەرەوەی یاریگەی خۆی سەركەوتنێكی بە نرخی تۆمار كرد و بە دو گۆڵی بێ وەڵام لامپاردی خوێندكار لە مامۆستاكەی برەوە.

بەم ئەنجامەش تیمەكەی لامپارد بە كۆكردنەوەی 32 خاڵ ریزبەندی چوارەمی پریمەرلیگی گرتوەو تیمەكەی مۆرینیۆش بە 26 خاڵ ریزبەندی حەوتەمی خولەكەی گرتوە.

 

 



Copyright © 2017 Xendan.org all rights reserved

designed and developed by AVESTA GROUP