ڤیدیۆ.. چێڵسی دۆڕا و لیستەر سیتیش بەرامبەر بو

12/14/2019 8:32:00 PM 1655 جار خوێندراوەتەوە

خەندان سپۆرت

 

لە میانەی یارییەكانی هەفتەی 17ی خولی یانەكانی ئینگلتەرا یانەی چێڵسی لە یاریگەی خۆی شكستی هێناو یانەی لیستەر سیتیش كەوتە داوی یەكسان بونەوە و هێندەی دیكە لە لە لێڤەرپوڵی پێشەنگی خولەكە دور كەوتوە.

 

یانەی چێڵسی لە یاریگەی خۆی میوانداری بۆرنمۆسی كرد و یارییەكەشی بە ئەنجامی گۆڵێكی بێ بەرامبەر پێ دۆڕاند، گۆڵەكەش یاریزان دان گۆسیلینگ لە خولەكی 84ی یارییەكەدا تۆماریكرد، بەهۆی ئەم شكستەوە یانەی چێڵسی بە كۆكردنەوەی 29 خاڵ ریزبەندی چوارەمی خولەكەی گرتوە.

 

لە یارییەكی دیكەشدا یانەی لیستەر سیتی میوانداری یانەی نۆریچ سیتی كرد، سەرەتا تیمۆ پوكە لە خولەكی 26ی یارییەكەدا یانەی میوانی بە گۆڵێك پێشخست، بەڵام لە خولەكی 38 تیم كڕۆڵ بە هەڵە گۆڵێكی لە خۆیان تۆمار كرد و یاریەیكەش تا كۆتایی بەو ئەنجامە و بە گۆڵێك بۆ هەردولا كۆتایهات.


نیشانەکردن :

#پریمه‌رلیگ #چێڵسی

Copyright © 2017 Xendan.org all rights reserved

designed and developed by AVESTA GROUP