مانچستەر یونایتد چاوی لە ئستێرەیەكی بەرشەلۆنەیە

12/9/2019 1:01:00 PM 3508 جار خوێندراوەتەوە

خەندان سپۆرت

 

رۆژنامەی دەیلی مەیلی بریتانی ئاشكرایكردوە كە یانەی ریاڵ مەدریدی ئیسانی بە گرێبەستێكی گەورەوە خۆی بۆ گواستنەوەی پۆڵ پۆگبا ئامادە كردەوە و بەرپرسانی یانەی مانچستەر یونایتدیش پێیان وایە ناتوانن رێگری لە رۆیشتنی ئەو یاریزانە بكەن بۆیە هەوڵی گواستنەوەی یاریزانێك دەدەن بۆ جێگەی پۆگبا.

یانەی ریاڵ مەدرید بە نیازە دو یاریزانی یانەكەی و بڕێك پارە بداتە مانچستەر یونایتد لە پێناو دەستبەرداربونیان لە پۆگبا، كە یاریزانەكانیش گاریس بەیڵ و جەیمس رۆدریگزن، لەبەرامبەریشدا یانەی مانچستەر یونایتد داوای 150 ملیۆن یۆرۆ دەكات.

رۆژنامەی ئێكسپرێسی بریتانی ئاشكرایكردوە، كە بەرپرسانی یانە ئینگلیزییەكە چاویان لەسەر ئارتورۆ ڤیداڵی یاریزانی یانەی بەرشەلۆنەی ئیسپانیە و هەوڵ بۆ ئەوە دەدەن ئەو یاریزانە بكەنە جێگرەوەی پۆگبا، كە ئەگەری زۆرە لە گواستنەوەی زستانەدا ریزەكانی یانەكەی بەرەو یانەی ریاڵ مەدرید جێبهێڵێت.

هەمان سەرچاوە ئەوەشی ئاشكراكردوە كە پێشتر كارگێڕی یانەی مانچستەر یونایتد لەگەڵ بەرپرسی كارەكانی ڤیداڵ كۆبۆتەوە كە پەیوەندیەكی باشی لەگەڵ یانەی مانچستەر یونایتد هەیە و پێشتر سانچێزی بۆ ریزەكانی ئەو یانەیە گواستۆتەوە.

رگەیاندنەكانی ئیسپانیاش باس لەوە دەكەن كە زیداڵ بێزارە لە بەرشەلۆنە بەهۆی كەمی بەشداری پێكردنەیەوە لە یارییەكانی یانەكە و بڕیاری جێهێشتنی ئەو یانەی داوە لە گواستنەوەی زستانەدا.



Copyright © 2017 Xendan.org all rights reserved

designed and developed by AVESTA GROUP