ڤیدیۆ.. مانچستەر یونایتد دێربی مانچستەری بردەوە

12/7/2019 10:17:00 PM 1731 جار خوێندراوەتەوە

خەندان سپۆرت

 

لە یارییەكانی هەفتەی 16ی خولی یانەكانی ئینگلتەرا و لە یاریی لوتكەدا یانەی مانستەر سیتی لە نێو یاریگە و هاندەرانی خۆی میوانداری یانەی مانچستەر یونایتدی كرد و یارییەكەشی بە ئەنجامی گۆڵێك بەرامبەر بە دو گۆڵ پێدۆڕاند.

 

لە نیوەی یەكەمی یارییەكە و لە خولەكی 23 ماركۆس ڕاشفۆرد گۆڵی پێشكەوتنی بۆ یانەكەی تۆماركرد، دوای ئەم گۆڵە و لە خولەكی 29 مارسیاڵ گۆڵی دوەمی بۆ یانەی مانچستەر یونایتد تۆمار كرد و نیوەی یەكەمی یارییەكە بەو ئەنجامە كۆتایهات.

 

لە نیوەی دوەمی یارییەكەدا لەگەڵ ئەوەی یاریزانانی مانچستەر سیتی لە خولەكی 85 لە رێگەی ئۆتامێندییەوە گۆڵێكیان تۆماركرد، بەڵام ئەم گۆڵە لە ئەنجامی یارییەكەی نەگۆڕی و یانەی مانچستەر یونایتد لە دەرەوەی یاریگەی خۆیدا بە ئەنجامی دو گۆڵ بەرامبەر بە گۆڵێك سەركەوتنی بەسەر یانەی مانچستەر سیتی تۆماركرد.

 

بەم بردنەوەیە یانەی مانچستەر یونایتد بە كۆكردنەوەی 24 خاڵ پلەی پێنجەمی یانەكانی ئینگلتەرای گرتوەو مانچستەر سیتیش بە كۆكردنەوەی 32 پلەی سێیەمی پریمەرلیگی گرتوە.



Copyright © 2017 Xendan.org all rights reserved

designed and developed by AVESTA GROUP