ریڤاڵدۆ.. لە خەڵاتی باڵۆن دۆر ستەم لە كریستیانۆ كراوە

12/5/2019 2:44:00 PM 10150 جار خوێندراوەتەوە

خەندان سپۆرت

 

لە هەوڵوێستێكی چاواڕوان نەكراودا ریڤاڵدۆی بەرزایلی پشگیری لە كریستیانۆ رۆناڵدۆی پورتوگالی دەكات و پێی وایە ئەو یاریزانە لە لایەن گۆڤاری فرانس فوتبۆڵەوە زوڵمی لێكراوە.

رۆژنامەی ئاس لێدوانێكی ریڤاڵدۆی بڵاوكردۆتەوە كە پشگیری لە رۆناڵدۆ دەكات و پێی وایە كە بەرپرسانی گۆڤاری فرانس فوتبۆڵ ستەمێكی گەورەیان لە كریستیانۆ كردوە كە ناوی ئەو یاریزانە لە ریزبەندی سێیەمی لیستەكەدا دانراوە و دەبوایە بە لای كەمەوە ئەو یاریزانە لە ریزبەندی دوەمدا بوایە.

ریڤاڵدۆ باس لە تواناكانی ڤان دایك دەكات و دەلێت "راستە ئەو یاریزانێكی بە توانایە و وەرزی رابردو یارمەتیەكی زۆری یانەكەی داوە لە بردنی نازاوەكاندا، بەڵام ئەوەی چێژ بە هاندەرانی تۆپی پێ دەبەخشێت هێرشبەرەكانن نەك بەرگریكارەكان".

دەربارەی ئامادە نەبونی رۆناڵدۆ لە ئاهەنگەكە ریڤاڵدۆ وتی " ئەوەشتێكی ئاسایە و ناكرێت وەك بێڕێزیەك سەیر بكرێت، چونكە ساڵی رابردوش كاتێك مێسی زانی خەڵاتەكە بۆ ئەو نابێت ئامادەی ئاهەنگەكە نەبو".



Copyright © 2017 Xendan.org all rights reserved

designed and developed by AVESTA GROUP