تیروپشکی کۆپا ئەمریکای 2020 راکێشرا

12/4/2019 2:01:00 PM 9722 جار خوێندراوەتەوە

خەندان سپۆرت

 

لە شاری کارتاخینا لە وڵاتی کۆڵۆمبیا تیروپشکی کۆپا ئەمریکای 2020 راکێشرا، کە بڕیارە لە هاوینی داهاتو لە هەردو وڵاتی کۆڵۆمبیا و ئەرجەنتین بەڕێوەبچێت، بەڵام ئەمجارە شێوازی یارییەكان جیاوازە و دابەش نەكران بەسەر سێ كۆمەڵەدا، بەڵكو 12 هەڵبژاردەن كە دابەشی سەر دو كۆمەڵە كراون هەر كۆمەڵەیەك 6 هەڵبژاردە لە خۆ دەگرێت.

دوای ماوەیەكی زۆرە و لە ساڵی 1991ەوە ئەمە یەكەم جارە كە رکابەرییەکانی کۆپا ئەمریکا بە دو کۆمەڵە بەڕێوەدەچن، لە پاڵەوانێتی ئەمجارەشدا هەڵبژاردەی قەتەر بۆ جاری دوەم لەسەر یەک میوانی پاڵەوانێتیەكەیە و هەڵبژاردەی ئوسترالیاش هاوشانی قەتەر میوان دەبێت، كە لە كوپا ئەمریكای رابردو ژاپۆن لە جێگەی ئوسترالیا بەشداربو.

ئەنجامی تیروپشکەکەش بەمشێوەیە بو، کۆمەڵەی یەکەم هەریەکە لە ئەرجەنتین و ئوستڕاڵیا و بۆلیڤیا و ئۆرۆگوای و چیلی و پاراگوای لەخۆدەگرێت، لە کۆمەڵەی دوەمیش کۆڵۆمبیا و بڕازیل و قەتەر و ڤێنزوێلا و ئیکوادۆر و پیرۆ پێكەوە یاریی دەكەن و لە هەر كۆمەڵەكەیەك چوار هەڵبژاردە سەردەكەون بۆ قۆناغی دوەمی پاڵەوانێتییەكە.

یاریی كردنەوەی ئەم پاڵەوانێتیە بە یاریی نێوان ئەرجەنتین و چیلی دەستپێدەكات لە رۆژی 12ی مانگی شەشی ساڵی 2020، جیاواز لە پاڵەوانێتیەكانی ڕابردو ژمارەی  یارییەکانی پاڵەوانێتییەکە لە 26 یارییەوە بۆ 38 یاریی زیاد دەكات.


نیشانەکردن :

#كوپا ئەمریكا #تیروپشک

Copyright © 2017 Xendan.org all rights reserved

designed and developed by AVESTA GROUP