ڤیدیۆ.. عێراق لەگەڵ یەمەن یەكسان بو قەتەریش لە ئیماڕاتی بردەوە

12/2/2019 8:11:00 PM 3439 جار خوێندراوەتەوە

خەندان سپۆرت

 

لە میانەی یارییەكانی جامی كەنداوی عەرەبی 24 و لە گەڕی سێیەمی قۆناغی كۆمەڵەكان و لە یەك كاتدا هەردو یارییەكەی كۆمەڵەی یەكەم بەرێوەچو.

هەلبژاردەی عێراق بەرامبەر یەمەن یاریی كۆد، بەڵام لەم یارییەدا عێراقیەكان زۆر خراپ دەركەوتن و بە بێ گۆڵ لەگەڵ یەمەن یەكسان بون، لەم یارییەدا و لە خولەكی 7ی یارییەكەدا مستەفا محمد بە كارتی سور كراییە دەرەوەی یارییەكە.

لەهەمان كۆمەڵە و لە یارییەكی دیكەدا هەلبژاردەی قەتەر بە توانی بە ئەنجامێكی گەورەو بە چوار گۆڵ بەرامبەر بە دو گۆڵ سەركەوتن بەسەر قەتەر تۆمار بكات.

لە نیوەی یەكەمی یاریەیكەدا و لە خولەكەكانی 20 و 28 ئەكرەم عەفیف دو گۆڵی لەسەر یەكی بۆ قەتەر تۆماركرد، بەڵام لە خولەكی 33 عەلی مخبوت گۆڵێكی بۆ ئیماڕاتییەكان تۆماركرد، لە نیوەی دوەم و لە خولەكی 53 خالید هیدوس گۆڵی سێیەمی بۆ هەڵبژاردەی خاوەن یاریگە تۆماركرد، جارێكی دیكە عەلی مخبوت گۆڵێكی دیكەی بۆ ئیماڕات تۆماركرد، بەڵام لە خولەكی 93 بوعلام خوحی گۆڵی چوارەمی بۆ عەنابی تۆمار كرد و هەڵبژاردەی ئیماڕاتیان بێهێواكرد و بە دوەمی كۆمەڵەكە قەتەر خۆی گەیاندە قۆناغی داهاتو.


نیشانەکردن :

#جامی کەنداو #عێراق

Copyright © 2017 Xendan.org all rights reserved

designed and developed by AVESTA GROUP