رۆژنامەی ئاس ماوەی دوركەوتنەوەی دێمبڵی ئاشكرادەكات

11/28/2019 3:22:00 PM 6137 جار خوێندراوەتەوە

خەندان سپۆرت

 

راپۆرتی رۆژنامەكانی ئیسپانیا ماوەی دوركەوتنەوەی عوسمان دێمبڵی یاریزانی یانەی بەرشەلۆنەیان ئاشكراكرد، كە شەوی رابردو لە یاریی یانەكەی بەرامبەر یانەی بڕوسیا دۆرتمۆند بە ناچاری یاریگەی جێهێشت.

دوای یارییەكە یانەی بەرشەلۆنە بە هۆی پێكانی ئەو یاریزانەوە تویتێكیان كردو ئاماژەیان بەوەدا كە دێمبڵی بە هۆی بچڕان لە بەستەرەكانی ڕانیدا، دوچاری پێكان بوە و دوای ئەنجامدانی پشكنینی زیاتر ماوەی دوركەوتنەوەی ئاشكرا دەكرێت.

لە بارەی پێكانی ئەم یاریزانەوە رۆژنامەی ئاسی ئیسپانی ئاشكرایكردوە، كە ئەو تیمە پزیشكیەی پشنینەكەیان بۆ عوسمان ئەنجامداوە، ئاگاداریان كردۆتەوە لە سەختی پێكانەكەی و پێیان ڕاگەیاندوە بە لای كەمەوە تا كۆتایی ئەمساڵ ناتوانێت بگەڕێتەوە نێو یاریگەكان.

هەمان سەرچاوە ئەوەشی ئاشكرا كردوە، كە ئەو یاریزانە لە رانیدا بەستەرەكانی دوچاری پچڕان بوەو كەمترین ماوە بۆ ئەوەی ئەو یاریزانە بگەڕێتەوە نێو یاریگەكان 5 هەفتە دەخایەنێت، بۆیە بە ئەگەرێكی زۆرەوە ساڵی 2019 بۆ عوسمان كۆتایهاتوە.



Copyright © 2017 Xendan.org all rights reserved

designed and developed by AVESTA GROUP