نوێترین زانیاری لە بارەی پێكانەكەی هازارد

11/27/2019 2:42:00 PM 6314 جار خوێندراوەتەوە

خەندان سپۆرت

 

لە یارییەكانی خولی یانە پاڵەوانەكانی ئەوروپا و لە یاریی یانەی ریاڵ مەدریدی ئیسپانی بەرامبەر یانەی پاریس سان جێرمانی فەرەنسی، ئەیدین هازاردی یاریزانی یانەی ریاڵ مەدریدی ئیسپانی دوچاری پێكانێكی سەخت هات و هەر دوای یارییكە ئاشكرابو كە پێكانی ئەو یاریزانە شكان نیە، بەڵام كاریگەرە.

هازارد لە خولەكی 61ی یارییەكەدا بە ناچاری یاریگەی بەجێشت و نەیتوانی لەگەڵ یانەكەی تا كۆتایی بەردەوام بێت، كە ئەمەش هەر دوای یارییەكە زۆرترین دەنگۆی بە دوای خیدا هێنا.

رۆژنامەی ماركا ئاشكرایكردوە كە بەپێی ئەو پشكنینە سەرتایانەی بۆ ئەو یاریزانە ئەنجامدراوە دەركەوتوە كە دوچاری هیچ شكانێك نەبوە، بەڵام پاشان بە وردی پشكنین بۆ ئەو یاریزانە ئەنجامدراوەو بە لایەنی كەمەوە ئەو یاریزانە پێویستی بە دو هەفتەیە بۆ ئەوەی پشو بدات تا بە تەواوی لە پێكانەكەی چاك دەبێتەوە.

هەرچەندە ماركا ماوەی دوركەوتنەوەی ئەو یاریزانەی راگەیاندوە، بەڵام تا ئێشتا بە شێوەیەكی فەرمی ماوەی دوركەوتنەوەی ئەو یاریزانە لە لایەن یانەی ریاڵ مەدریدی ئیسپانیەوە پشت ڕاست نەكراوەتەوە، بەڵام گەر بێت و بۆ ماوەی دو هەفتە دور بكەوێتەوە، ئەەری زۆرە نەتوانێت بەشداری یاریی كلاسیكۆ بكات.



Copyright © 2017 Xendan.org all rights reserved

designed and developed by AVESTA GROUP