ڤیدیۆ.. ریاڵ مەدرید لەگەڵ پاریس كەوتە داوی یەكسانبونەوە

11/27/2019 9:36:00 AM 6756 جار خوێندراوەتەوە

خەندان سپۆرت

 

لە خولی یانە پاڵەوانەكانی ئەوروپا و لە قۆناغی كۆمەڵەكان هەردو یانەی پاریس سانجێرمان و ریال مەدرید لە كۆمەڵەكەی خۆیاندا بە یەكەم و دوەمی گروپەكەیان سەركەوتنیان بۆ قۆناغی دوەمی خولی یانە پاڵەوانەكانی ئەوروپا مسۆگەركرد دوای ئەوەی لە یاریی نێوانیان بە دو گۆڵ هاوتابون.

یارییەكە لە یاریگەی سانتیاگۆ بێرنابیۆ بەڕێوەچو، ریال مەدرید لەگەڵ ئەوەی لە سەرەتاوە بە ئاستێكی باش دەركەوت، بەڵام دو خاڵی لەدواساتەکانی یارییەکەدا لەدەستدا.

لە نیوەی یەکەمدا ریال مەدرید لە رێگەی کەریم بنزیماوە گۆڵی پێشكەوتنی تۆماركرد، لە نیوەی دوەمیشدا گۆڵی دوەمی یانەکەی لە خولەکی 79ـدا تۆمارکرد، بەڵام دوای تەنها سێ خولەك لەم گۆڵە بەهۆی هەڵەیەکی رافایێل ڤاران، کیلیان مباپێ گۆڵی یەکەمی پاریسی تۆمارکرد، پابلۆ سارابیا لە خولەکی 83ـدا گۆڵی دوەمی بۆ پاریس تۆماركرد و یارییەكەی گەڕاندەوە خاڵی سەرەتا.

ریال مەدرید پێش یارییەکە سەرکەوتنی مۆسگەرکرد، دوای ئەوەی هەردو یانەی گالاتاسەرای و کلەب برووج یەکسانبوبون، بەم ئەنجامەش ریال هەشت خاڵی هەیە و پلەی دوەمی گرتوە، پاریسیش خاوەنی 13 خاڵە و پلەی یەکەمی مسۆگەرکردوە.



Copyright © 2017 Xendan.org all rights reserved

designed and developed by AVESTA GROUP