ڤیدیۆ.. عێراق سەركەوتنێكی بە نرخی بەدەستهێنا

11/26/2019 10:22:00 PM 4828 جار خوێندراوەتەوە

خەندان سپۆرت

 

لە میانەی یارییەكانی جامی كەنداوی عەرەبی و لە كردنەوەی پاڵەوانێتیەكەدا، هەڵبژاردەی قەتەر میوناداری پاڵەوانێتییەكە روبەروی هەڵبژاردەی عێراق بۆوە،

 

ئەم یارییە بۆ عێراقییەكان تا ڕادەیەكی زۆر قورس بو، چونكە رۆژێك بەر لەم یارییە یانەی شورتەی عێراقی یاریی هەبو وە حەوت یاریزانی عێراق لەو یارییە بەشداریان كرد، ئەمەش چارەی بۆ كاتانیچ نەهێشتەوەو بە پێكهاتەی یەدەگەوە یارییەكەی ئەنجامدا.

 

نیوەی یەكەم بە پێشكەوتنی عێراق كۆتایهات و محمد قاسم دو گۆڵی بۆ هەڵبژاردەكەی تۆماركرد، لە خولەكەكانی 18 و 27ی یارییەكە، بەڵام لەگەڵ دەستپێكردنەوەی نیوەی دوەم و بە تێپەڕبونی تەنها چوار خولەك عبدول عزیز حاتم گۆڵێكی بۆ قەتەرییەكان تۆماركرد، پاش ئەم گۆڵە یاریزانانی هەڵبژاردەی عەنابی هەوڵی زۆریاندا بۆ یەكسانكردنەوەی ئەنجامەكە، بەڵام بێ سود بو.

 

سەرئەنجام یارییەكە لە بەرژەوەندی هەڵبژاردەی عێراق كۆتایهات و یەكەمین سێ خاڵی پاڵەوانێتییەكەیان بەدەستهێنا.



Copyright © 2017 Xendan.org all rights reserved

designed and developed by AVESTA GROUP