یۆڤانتۆس دو یاریزانی گرنگی لەدەستدا

11/25/2019 2:32:00 PM 5324 جار خوێندراوەتەوە

خەندان سپۆرت

 

لە میانەی یارییەكانی خولی یانە پاڵەوانەكانی ئەوروپا و لە گەڕی پێنجەمی قۆناغی كۆمەڵەكاندا، یانەی یۆڤانتۆس رۆژی سێ شەممە روبەروی یانەی ئەتلەتیكۆ مەدریدی ئیسپانی دەبێتەوە.

پێش ئەنجامدانی ئەو یارییە یانەی یۆڤانتۆس دو یاریزانی زۆر گرنگی یانەكەی لەدەستدا، تۆڕی سكای سپۆرت ئاشكرایكردوە كە بەشداری نەكردنی دی لێخت لەو یارییە یەكلا بۆتەوەو ناتوانێت ئامادەی یارییەكە بێت، جگە لەم یاریزانە یانەی یۆڤانتۆس لە تواناكانی دۆگلاس كۆستا بێ بەش دەبێت كە ئەویش بە هۆی پێكانەوە لە یاریگەكان دور كەوتۆتەوە.

هەمان سەرچاوە ئەوەشی ئاشكرا كردوە كە پێكانی ئەو یاریزانە كاریگەر و بۆ ماوەی 15 رۆژ لە یاریگەكان دور دەكەوێتەوە، كە ئەمەش كێشە بۆ هێڵی پێشەوەی ئەو یانەیە دروست دەكات لە یارییەكانی داهاتودا.

یانەی یۆڤانتۆس بە كۆكردنەوەی 10 خاڵ پێشەنگی یانەكانی كۆمەڵەی چوارەمی گرتوەو سەركەوتنی بۆ قۆناغی داهاتوی پاڵەوانێتییەكە مسۆگەر كردوە، بەڵام ساری دەیەوێت بە پلەی یەكەم سەركەوتن بۆ قۆناغی داهاتو مسۆگەر بكات.



Copyright © 2017 Xendan.org all rights reserved

designed and developed by AVESTA GROUP