ناسنامەی براوەی باڵۆن دۆری 2019 ئاشكرابوە

11/21/2019 12:01:00 PM 86629 جار خوێندراوەتەوە

خەندان سپۆرت

 

بەهۆی دزەپێكردنی زانیارییەكانەوە ناسنامەی ئەو یاریزانە ئاشكرابوە كە بۆ ساڵی 2019 خەڵاتی باڵۆن دۆری پێدەدرێت، كە لەلایەین گۆڤای فرانس فوتبۆڵەوە ساڵانە دەدرێتە یاشترین یاریزانی جیهان.

وێنەیەك لە تۆڕە كۆمەڵایەتییەكان بڵاوبۆتەوە كە گوایە وێنەی دەنگدەرانە بە براوەی خەڵاتی باڵۆن دۆر، كە تییدا كریستیانۆ رۆناڵدۆ بە كۆكردنەوەی 578 خاڵ پلەی یەكەمی گرتوە.

لە پلەی دوەمیشدا فێرجیل ڤان دایك دێت بە كۆكردنەوەی 570 دەنگ و لیۆنێل مێسیش بە 499 خاڵ پلەی سێیەمی گرتوە.

ساڵی رابردوش پێش بەخشینی خەڵاتی باڵۆن دۆر، هەر زو ناوی لۆكا مۆدریچ وەك براوەی خەڵاتی باڵۆن دۆر بڵاوكراییەوە و پاشانیش خەڵاتەكە بۆ ئەو یاریزانە بو.

رۆژی 2ی مانگی داهاتو لە ڕێوڕەسمێكدا خەڵاتی باڵۆن دۆر دەدرێتە باشترین یاریزانی جیهان و ناوی 30 یاریزان بۆ بردنی ئەو خەڵاتە لە لایەن رۆژنامەی فرانس فوتبۆڵەوە بڵاوكراوەتەوە.

 



Copyright © 2017 Xendan.org all rights reserved

designed and developed by AVESTA GROUP