یۆرگن كلۆپ چوار ساڵە لە خانوی كرێدا ژیان بەسەردەبات

11/16/2019 3:53:00 PM 7462 جار خوێندراوەتەوە

خەندان سپۆرت

 

لەو كاتەوەی یۆرگن كلۆپی راهێنەری یانەی لێڤەرپوڵ ڕوی لە ئینگلتەرا كردوە بۆ ئەوەی ئەركی راهێنەرایەتی كردنی یانەی لێڤەرپوڵ وەربگرێت لە خانوی كرێدا ماوەی چوار ساڵە ژیان بەسەر دەبات.

رۆژنامەكانی ئینگلتەرا ئاشكرایان كردوە، كە بەرپرسانی یانەی لێڤەرپوڵی ئینگلیزی سوپڕازێكیان بۆ كلۆپ كردوەو ئەو خانوەیان بۆ كلۆپ كڕیوە كە تێیدا كرێچی بوەو خاوەندارێتی ئەو خانوەش دەگەڕێتەوە بۆ بڕێندن رۆجێرسی راهێنەری پێشوی یانەكەی و ئێستای یانەی لیستەر سیتی.

بەرپرسانی یانەی لێڤەرپوڵ بەهۆی ئەو سەركەوتن گەورەیەی ئەو راهێنەرە لەگەڵ یانەی لێڤەرپوڵ بەدەستی هێناوە، وەك دیارییەك ئەو خانوەیان بۆ كلۆپ كڕیوە بە بەهای 3.75 ملیۆن پاوەند.

كلۆپ وەرزی رابردو توانی نازناوی خولی یانە پاڵەوانەكانی ئەوروپا لەگەڵ یانەی لێڤەرپوڵ بباتەوەو لەگەڵ ئەوەشدا لە بەدەستهێنانی نازناوی خولی یانەكانی ئینگلتەرا زۆر نزیك بو، لە ئێستاشدا یانەی لێڤەرپوڵ پێشەنگی یانەكانی ئینگلتەرای گرتوەو نزیكرترین یانە لێوەی لیستەر سیتیە كە هەشت خاڵ لەو یانەیە كەمتری هەیە.


نیشانەکردن :

#لیڤەرپوڵ

Copyright © 2017 Xendan.org all rights reserved

designed and developed by AVESTA GROUP