جارێكی دیكە حەبیب گاڵتە بە كۆنەر دەكات

11/10/2019 12:37:00 PM 18411 جار خوێندراوەتەوە

خەندان سپۆرت

 

حه‌بیب نۆرماگۆمیدۆڤی ڕوسی و پاڵه‌وانی كێشی سوك له یارییە‌ هونه‌ره بەرگرییە‌ جه‌نگییه‌كان، جارێكی دیكه‌ سوكایه‌تی به‌ كۆنەر ماكگریگۆری ئیرلەندی دەكات، كە پێشتر ڕكابەرییەكی سەخت هەبو لە نێوانیاندا.

له‌ كۆنگره‌یه‌كی رۆژنامه‌وانیدا كاتێك پرسیار لە حەبیب كرا كە بۆچی له‌ كاتی یارییه‌كاندا ئاڵای وڵاته‌كه‌ی هه‌ڵناگرێت؟ لە وڵامدا ئەو پاڵەوانە وتی "ئه‌وانه‌ی ئاڵای وڵاته‌كانیان هه‌ڵده‌گرن ده‌ڵێن ئێمه‌ نوێنه‌رایه‌تی وڵاته‌كانمان ده‌كه‌ین، من به‌پێچه‌وانه‌ی ئه‌وانه‌ هه‌ڵسوكه‌وت ده‌كه‌م، چونكه‌ من ده‌ستدرێژی ناكه‌مه‌ سه‌ر خانمان و له‌ به‌ساڵاچوان ناده‌م، خه‌ڵكیش داوه‌ت ناكه‌م بۆ ئەوەی مه‌ی بخۆنەوە".

لێرەدا مەبەستی حەبیب ركابەری پێشوی ماكگریگۆر بو، چونكه‌ شه‌ڕكه‌ره‌ ئێرله‌ندییه‌كه‌ له‌ به‌رده‌م دادگادا دانی به‌وه‌دا نا كه‌ له‌ یانه‌یه‌كی شه‌وانه‌ له‌ دبلن له‌ پیاوێكی به‌ساڵاچوی داوه و پاشانیش ڤیدیۆكە بڵاوبۆوە، هه‌روه‌ها ماكگریكۆر به‌وه‌ ناسراوه‌ كه‌ له‌ یارییه‌كانیدا ئاڵای وڵاته‌كه‌ی به‌رزده‌كاته‌وەو شانازی پێوە دەكات، بەڵام لەگەڵ ئەوانەشدا هێرش دەكاتە سەر هاونیشتیمانییەكانی‌.

حەبیب خەڵكی وڵاتی روسیایە كە لە دایكبوی داغستانە و زیاتر لەو چیچانیەكانەوە نزیكن كە دژی حكومەتی روسیان، كە پێدەچێت بەوهۆیەوە ئاڵای وڵاتەكەی بەرز نەكاتەوە.


نیشانەکردن :

#جیهان

Copyright © 2017 Xendan.org all rights reserved

designed and developed by AVESTA GROUP