ڤیدیۆ.. ریاڵ مەدرید گەڵەتەسەرای توركی تێكشاند

11/7/2019 1:01:00 AM 9665 جار خوێندراوەتەوە

خەندان سپۆرت

 

لە چوارچێوەی یارییەكانی خولی یانە پاڵەوانەكانی ئەوروپا و لە گەڕی چوارەمی قۆناغی كۆمەڵەكاندا یانەی ریاڵ مەدرید گۆڵبارانی یانەی گەڵەتەسەرای توركی و بە ئەنجامی شەش گۆڵی بێ وەڵام یارییەكەی لێیبردەوە.

لە نیوەی یەكەمی یارییەكە و لە چارەكی یەکەمدا یاریزانانی یانەی ریال مەدرید سێ گۆڵیانکرد، رۆدریگۆی لاو دو گۆڵی کرد و مارسێلۆش دو ئاسیست، گۆڵەکەی دیکەش رامۆس بە لێدانی سزا تۆماریكرد، هەر لەم نیوەیەدا رۆدریگۆ ئاسیستێکی بۆ بەنزیما کرد و بە چوار گۆڵ پێشكەوتن.

لە نیوەی دوەمی یارییەكەدا کەریم، گۆڵی پێنجەمی ریاڵ و دوەمی خۆی لە یارییەکەدا تۆماركرد، بەمەش ئەو یاریزانە بە تۆماركردنی 50 گۆڵ لە چامپۆنس لیگ پێش دی ستیڤانۆ كەوت و بوە سێیەم گۆڵكاری میژوی یانەی شاهانە، لەدوا خولەكی یاریدا رۆدریگۆی تەمەن 18 ساڵ یەکەم هاتریکی خۆی لەگەڵ ریاڵ مەدرید تۆمارکرد و دوەم سەرکەوتنی لەسەریەکی بۆ یانەی شاهانە لە کۆمەڵەی یەکەمدا بەدەستهێنا.

بەم بردنەوەیەش یانەی ریاڵ مەدرید بە كۆكردنەوەی حەوت خاڵ ڕیزبەندی دوەمی كۆمەڵەی یەكەمی گرتوەو پاریس سان جێرمانیش بە 12 خاڵ پێشەنگە و سەركەوتنی بۆ قۆناغی دوەم مسۆگەر كردوە.



Copyright © 2017 Xendan.org all rights reserved

designed and developed by AVESTA GROUP