سەرتاشە تایبەتەكەی كریستیانۆ كوژرا

11/3/2019 7:54:00 PM 18670 جار خوێندراوەتەوە

خەندان سپۆرت

 

كریستیانۆ ڕۆناڵدۆ یەكێكە لەو یاریزانانەی كە گرنگیەكی زۆر بە ستایل و شێوازی قژ و جل و بەرگی دەدات، هەربۆیە ئەو یاریزانە بەردەوام كەسی تایبەتی هەبوە كە ستایلی قژ و جل و بەرگەكانی بۆ رێكخستوە.

لە ڕوداوێكی نەخوازراودا ستایلێستی قژی کریستیانۆ لە وڵاتی سویسرا و لە شاری زیوریخ بە چەقۆ هێرشی كراوەتەسەر و گیانی لەدەستداوە، بەڵام تا ئێستا وردەکاری تاوانەکە نازانرێت، تەنها ئەوەندە نەبێت كە کەسێکی بەڕازیلی تەمەن 39 ساڵ بە تۆمەتی كوشتنی ئەو سەرتاشە  تۆمەتباركراوەو دەستگیرکراوە.

ڕوداوەكە لە یەكێك لە هوتێلەکانی ئەو شارەی سویسرا رویداوە، سەرتاشەكەی رۆناڵدۆ دو ساڵە لەو هۆتێلەدا دەژی و کاری میکیاج و سەرچاککردن دەكات.

یەكێك لە هەڵوێستەكانی ئەم ستایلێستەی رۆناڵدۆ كە دەنگدانەوەی زۆری بە میدیا جیهانیەكاندا هەبو ئەوەبو، كە گاڵتەكەی بەو كەسە كرد كە ستایلی قژی مێسی رێكدەخات و بە كەسێكی كۆنەپەرست نێویبرد، ئەمەش لەكاتێكدا بو كە رۆناڵدۆ لە ریاڵ مەدرید یاریی دەكرد و ركابەرییەكی سەرسەختی لەگەڵ مێسی هەبو.


نیشانەکردن :

#کریستیانۆ

Copyright © 2017 Xendan.org all rights reserved

designed and developed by AVESTA GROUP