ترەمپ یەكەم سەرۆكی ئەمریكیە ئامادەی بینینی یارییەكی یو ئێف سی بێت

11/3/2019 5:42:00 PM 3844 جار خوێندراوەتەوە

خەندان سپۆرت

 

سه‌رۆكی ویلایەتە یەكگرتوەكانی ئه‌مریكا، دۆناڵدۆ تره‌مپ ئاماده‌ی یەكێك لە یارییەكانی یو ئێف سی بو لە شاری نیویۆرك، له‌ كاتی ئامادە بونی سەرۆك لە یارییەكەدا هاندەرانی ئاماده‌بوی نێو یاریگەكە فیكه‌ی ناڕه‌زایان بۆ ترەمپ لێدا.

دوێنێ دۆناڵد تره‌مپ له‌ هۆڵی مادیسۆن سكوێر گاردن له‌ یارییه‌كی هونه‌رییه‌ جه‌نگییه‌كانی یو ئێف سی ئامادەبو، كە له‌ لایه‌ن جه‌ماوه‌ری ئاماده‌بوی یارییه‌كه‌ فیكه‌ی ناڕه‌زایی بۆ لێدرا، هه‌ر له‌ بۆنه‌کەدا به‌ ده‌یان كه‌س له‌به‌رده‌م هۆڵی مادیسۆن سكوێر گاردن گردبونه‌وه‌ وخۆپیشاندانیان دژی تره‌مپ كرد.

سه‌رۆكی ئه‌مریكا له‌ هۆڵه‌كه‌دا بۆ بینینی یاریی نێوان كیڤن لی و گریگۆر گیلیبسی ئاماده‌بو، كە لە كاتی ئامادەبونیدا هه‌ردو كوڕه‌كه‌شی له‌ ریزی سێیه‌مدا دانیشبون، دواتریش بۆ ماوه‌ی 30 چركه‌ چه‌پڵه‌ی بۆ گریگۆر گیلیبسی لێدا، كاتێك یارییه‌كه‌ی برده‌وه‌.

ئەمە یەكەمین جارە لە مێژوی یارییە هونەرییە بەرگرییەكاندا سەرۆكی ویلایەتە یەكگرتوەكانی ئەمریكا ئامادەی بینینی یارییەكی لەو شێوەیە بێت.


نیشانەکردن :

#جیهان

Copyright © 2017 Xendan.org all rights reserved

designed and developed by AVESTA GROUP