ڤیدیۆ.. بەرشەلۆنە دوچاری شكستێكی چاوەڕوان نەكراو بۆوە

11/2/2019 7:43:00 PM 3564 جار خوێندراوەتەوە

خەندان سپۆرت

 

لە چوارچێوەی یارییەكانی هەفتەی دوانزەیەمی خولی یانەكانی ئیسپانیا یانەی لیڤانتی لە نێو یاریگەی خۆیدا میوانداری یانەی بەرشەلۆنەی كردو لە ئەنجامێكی چاوەڕوان نەكراودا سەركەوتنی بەسەر ئەو یانە كەتەلۆنیە بەدەستهێنا.

نیوەی یەكەمی یاریەیكە لە بەرژەوەندی یانەی میوان كۆتایی هات و لە خولەكی 38ی یارییەكەدا لیۆنێل مێسی گۆڵی پێشكەوتنی بۆ یانەی بەرشەلۆنە تۆماركرد، كە ئەم گۆڵەی مێسی گۆڵی ژمارە 500ی ئەو یاریزانە بو كە بە قاچی چەپی تۆماری كردبو.

لە نیوەی دوەیمی یارییەكەدا ئەنجامی یارییەكە بە تەواوی پێچەوانە بۆوەو یاریزانانی یانەی لیڤانتی سێ گۆڵی لەسەر یەكیان تۆمار كرد لە خولەكەكانی (61، 63 و 68) لە رێگەی یاریزانان كامپانیا و مایۆڕاڵ و ڕادۆگا.

سەر ئەنجام یارییەكە لە بەرژەوەندی یانەی لیڤانتی كۆتایی هات و لە ئێستادا یانەی بەرشەلۆنە بە كۆكردنەوەی 22 خاڵ و بە شێوەیەكی كاتی لە پێشەنگی خولەكەدا ماییەوە.


نیشانەکردن :

#بەرشلۆنە #لالیگا

Copyright © 2017 Xendan.org all rights reserved

designed and developed by AVESTA GROUP