مانچستەر یونایتد سزایەكی قورس بەسەر هاندەرێكیدا دەسەپێنێت

10/23/2019 11:58:00 AM 3827 جار خوێندراوەتەوە

خەندان سپۆرت

 

بە شێوەیەكی فەرمی كاربەدەستنای یانەی مانچستەر یونایتدی ئینگلیزی هاندەرێكی یانەكەیان سزدا، بەهۆی بەكارهێنانی وشەی ڕەگەز پەرستی بەرامبەر یاریزانانی یانەی لێڤەرپوڵ، لە یارییەكانی سەرەتای ئەم هەفتەیە كە لە نێو یاریگەی ئۆڵترافۆرد بەرێوەچو.

یانەی مانچستەر یونایتد لە بەیانێكی فەرەمیدا ئاشكرایكرد، كە دوای ئاشكراكردنی ناسنامەكەی هاندەرێكی یانەكەیان بە توندترین شێوە سزایانداوە، كە ئەو هاندەرە یەكشەممەی ڕابردو لە نێو یاریگەی ئۆڵترافۆرد وشەی ڕەگەزپەرستی لە دژی یاریزانانی لێڤەرپوڵ بەكارهێنابو.

سزایەكەی بەرپرسانی یانەكە بە جۆرێكە ئەو هاندەرە بۆ هەمیشە لە یاریگەی ئۆڵترافۆرد دورخراوەتەوەو بۆی نیە هەرگیز جارێكی دیكە لە ژیانیدا بچێتەوە نێو ئەو یاریگەیە بۆ بینینی یارییەكانی یانەكەی.

لە بەیانی فەرمی یانەكەشدا هاتوە، كە یانەی مانچستەر یونایتد بە هەمو شێوەیەك دژ بە رەگەز پەرستیە و هەر هاندەرێك كارێكی لەو شێوەیە بكات بە توندترین شێوە سزا دەدرێت و هەرگیز رێگە بە دوبارە بونەوەی كاری لەو جۆرە نادەرێت لە نێو یاریگەكەیاندا.



Copyright © 2017 Xendan.org all rights reserved

designed and developed by AVESTA GROUP