نوێترین لێدوانی ماوریسیۆ ساری

10/21/2019 5:44:00 PM 1169 جار خوێندراوەتەوە

خەندان سپۆرت

 

بڕیارە سبەی هەفتەیەكی نوێ لە لە یارییەكانی قۆناغی كۆمەڵەكانی خولی یانە پاڵەوانەكانی ئەوروپا بەرێوەبچێت و یانەی یۆڤانتۆسی ئیتاڵی لە نێو یاریگەی خۆی بەرامبەر یانەی لۆكۆمۆتیڤی ڕوسی یاریی بكات.

لە كۆنفرانسێكی رۆژنامەوانیدا ساری وتی.. "بەرامبەر یانەیەکی بەهێز یاریی دەكەین، تا ئێستا وەرزێکی نمونەیمان پێشکەش کردوە، باشترە لەوەى ئێمە چاوەرێمان دەکرد، یاریزانەكانم مەترسیدارن بەتایبەت کاتێك تۆپیان پێ دەبێت، لە پێناو سێ خاڵی یارییەكە یاریی دەكەین بۆ ئەوەی بە خێرایی سەركەوتن بۆ قۆناغی داهاتو یەكلابكینەوە".

راهێنەرەكەی یانەی یۆڤانتۆس باسی لە توانای یاریزانەكانی كردو وتی.. " چانسێکی باشمان هەیە کە دیبالا و هیگواین لە دۆخێكی باشدا دەبینین، پێموانیە رامسی بۆ یاریکردن ئامادەبێت، ئەو هێشتا بە تەواوی لە پێکان چاکنەبۆتەوە، دانیلۆ تواناى نیە 90 خولەک یاریی بکات، رۆناڵدۆ بیرکردنەوەیەکی جیاوازی هەیە، ئەو ئامانجەكانی دیاریی دەكات و پاشان هەوڵ بۆ بەدەستهێنانیان دەدات، دڵخۆشم بە بەرزبونەوەى ئاستی رابیۆ، لە راهێنانەکان زۆر باش دەردەکەوێت و متمانەی تەواوم پێی هەیە".

ساری لە كۆتایدا وتی.." بە شێوەیەكی زۆر باش لەم وەرزە تیمەكەمان ئامادە كردوەو تا ئێستا لە رێگەیەكی ڕاست هەنگاو دەنێین، ئاستمان لە ئێستادا زۆر باشترە لە سەرەتای وەرز و بەرەو باشتر هەنگاو دەنێین".



Copyright © 2017 Xendan.org all rights reserved

designed and developed by AVESTA GROUP