ڤیدیۆ.. لوتكەی ئینگلتەرا بە هاوتابون كۆتاییهات

10/20/2019 8:19:00 PM 1798 جار خوێندراوەتەوە

خەندان سپۆرت

 

لە میانەی یارییەكانی هەفتەی نۆیەمی خولی یانەكانی ئینگلتەرا و لە یاریی لوتكەی ئەم هەفتەیەدا یانەی مانچستەریونایتد لە نێو یاریگەی ئۆڵترافۆردی تایبەت بە یانەكەی میوانداری یانەی لێڤەرپوڵی پێشەنگی خولەكە كرد.

نیوەی یەكەمی یارییەكە بە پێشكەوتنی یانەی خاوەن یاریگە كۆتایهات و ماركۆس ڕاشفۆرد لە خولەكی (36)ی یارییەكەدا گۆڵی پێشكەوتنی بۆ شەیتانە سورەكان تۆماركرد و نیوەی یەكەمی یارییەكە لە بەرژەوەندی كوڕانی سؤڵشایەر كۆتایهات.

لە نیوەی دوەمی یارییەكەدا یاریزانانی یانەی لێڤەرپوڵ كەوتنە خۆیان لە پێناو هاوتا كردنەوەی ئەنجامەكە و پاراستنی یانەكە لە یەكەمین شكستی وەرزی نوێ، لە ئەنجامی فشارەكانی یاریزانانی ڕیدز، ئادەم لانانا لە خولەكی (85)ی یارییەكەدا گۆڵی بەرامبەری بۆ یانەكەی تۆماركردەوە.

سەرئەنجام یارییەكە بە گۆڵێك بۆ هەردو یانە كۆتایی هات و ئەمجارەش كوڕأنی كلۆپ لە شكست ڕزگاریان بو، لە ئێستادا یانەی لێڤەرپوڵ بە كۆكردنەوەی 25 خاڵ پێشەنگی خولەكەی گرتوەو مانچستەریونایتدیش بە كۆكردنەوەی 10 خاڵ ڕیزبەندی سیانزەیەمی یانەكانی ئینگلتەرای گرتوە.

 



Copyright © 2017 Xendan.org all rights reserved

designed and developed by AVESTA GROUP