ڤیدیۆ.. بەرشەلۆنە سەركەوتنێكی گەورەی تۆماركرد

10/19/2019 3:48:00 PM 4402 جار خوێندراوەتەوە

خەندان سپۆرت

 

لەچوارچێوەی یارییەكانی هەفتەی نۆیەمی خولی یانەكانی ئیسپانیا، یانەی ئیبار لە نێو یاریگە و هاندەرانی خۆی میوانداری یانەی بەرشەلۆنەی كرد.

نیوەی یەكەمی یارییەكە بە گۆڵێكی بێ بەرامبەر لە بەرژەوەندی یانەی میوان كۆتایهات و تاكە گۆڵەكەش یاریزان ئەنتۆنیۆ گریزمان لە خولەكی (13)ی یارییەكەدا تۆماریكرد، كە گۆڵی چوارەمی ئەو یاریزانە بو لە یارییەكانی ئەم وەرزەی لالیگا بۆ یانەكەی.

لە نیوەی دوەمی یارییەكەدا یاریزانانی یانەی بەرشەلۆنە باشتر یارییان كرد و لە خولەكی (58) كاپتنی تیمەكە لیۆنێل مێسی گۆڵی دومی بۆ یانەكەی تۆماركرد، یاریزانانی یانە كەتەلۆنەییەكە لە هێرشەكانیان بەردەوام بون تا لە خولەكی (66) سوارێز جارێكی دیكە تۆڕی گۆڵی یانەی ئیباری هەژاند و گۆڵی سێیەمی بۆ یانەكەی تۆماركرد.

سەرئەنجام یارییەكە بە سێ گۆڵی بێ وەڵام لە بەرژەوەندی كوڕانی ڤاڵڤێردی كۆتاییهات و بەرشەلۆنە بە شێوەیەكی كاتی و بە كۆكردنەوەی 19 خاڵ پێشەنگی یانەكانی ئیسپانیای گرتوە.


نیشانەکردن :

#بەرشلۆنە #لالیگا

Copyright © 2017 Xendan.org all rights reserved

designed and developed by AVESTA GROUP