نوێترین چاوپێكەوتنی مێسی لەگەڵ رۆژنامەی ماركا

10/17/2019 2:46:00 PM 2904 جار خوێندراوەتەوە

خەندان سپۆرت

 

دوای وه‌رگرتنی خه‌ڵاتی پێڵاوی زێڕینی شه‌شه‌م، لیۆنێل مێسی چاوپێكەوتنێكی لەگەڵ رۆژنامەی ماركای ئیسپانی ئەنجامداو چه‌ند لایەنێكی تایبه‌تی ژیانی خۆی ده‌كات باس دەكات و یاسی رۆناڵدۆش دەكات.

مێسی لەسەرەتایی چاوپێكەوتنەكەیدا باس لە بەردەوام بون لە یاریكردن دەكات و دەلێت.. "لە ئێستادا بیرم بۆ ئەوە ناچێت كە واز لە یاریكردن بهێنم و هێشتا وادەزانم تەمەنم 25 ساڵانە، بەڵام هەركات هەستم بە ماندوبون كرد و زانیم توانای جەستەیم دابەزیوە، ئەو كاتە واز لە یاریكردن دەهێنم".

مێسی لە بارەی خەڵاتە تاكە كەسییەكانەوە دەڵێت.. "بەردەوام وتومە، خەڵاتی تاكە كەسی لای من گرنگ نیە، بۆ من نازناوە بە كۆمەڵەكان گرنگترن، بەڵام ئەگەر بەدەستی بهێنی كارێكی باشە، بەدەستیشی نەهێنم بەلامەوە گرنگ نیە".

مێسی لە بارەی ڕۆیشتنی ڕۆناڵدۆ وتی.. "هەمو یاریزانێك مافی خۆیەتی بە دوای ئامانجه‌كانی بگەرێت و ڕو لە یانەیە بكات كە خۆی دەیەوێت، به‌ڵام پێویست ناكات من باشترین یانه‌ی جیهان جێبهێڵم".

لە بارەی دی یۆنگی یاریزانی لاوی یانەكە وە لیۆ وتی.. " ئەو یاریزانێكی زۆرباشە و زۆر بە خێرای خۆی دەگونجێنێت، شێوازی یاریكردنی یانەكەی ئێمە و ئەجاكس لە یەكەوە نزیكە و بە خێرای توانی خۆی بگونجێنێت، بە راستی ئەو یاریزانێكی زۆر تەواوە لە هەمو روییەكەوە".

پاشان ئەو یاریزانە باسی لە چەند تایبەتمەندییەكی خێزانی و تایبەتی خۆی كرد و وتی.." زۆر ئارەزوی بینینی  فیلمی Game Of Thrones دەكەم، كۆتاییه‌كه‌ی شۆكی كردم، ئەتۆنێلا خاوەنی كەسایەتیەكی زۆر گەورەیە، شتی زۆر باش ده‌كات و هه‌مو شتێكم ئەو رێكی دەخات، كاتێك نازناوێك بەدەست دەهێنم ئەو زۆر خۆشحاڵ دەبێت، لە كاتی هه‌ر كێشه‌یه‌كم بۆ چاره‌سه‌ری زۆر باش و باشترین ڕێگا هه‌ڵده‌بژێرێت، له‌ هه‌مو ڕوێكه‌وه‌ زۆر باشه و زۆر بەتوانا و زیرەكە".

مێسی باس لە منداڵەكانی دەكات و دەڵێت.. "تیاگۆ زۆر زیره‌كه و ئاقڵانە ڕەفتار دەكات‌، به‌ڵام سیرۆی كوڕه‌ بچوكم هاوشێوه‌ی ماتیۆیه‌، پێدەچێت لە‌ویش خراپتر بێت".

لە كۆتایدا مێسی وتی.. "بەردەوام خواردنی سوركراوه‌ و میلانیزا و معكه‌رۆنیم پێ خۆشە، زۆر حه‌ز به‌ شتی ساده‌ ده‌كه‌م، له‌گه‌ڵ ئه‌وه‌ش حه‌ز به‌ ئایسكرێم و شوكلاته‌ ده‌كه‌م به‌ تایبه‌تی دولسی و دی لیچی، بە گشتی خواردنی خۆشم حەز لێیە".



Copyright © 2017 Xendan.org all rights reserved

designed and developed by AVESTA GROUP