كریستیانۆ بە جیاوازییەكی زۆر پێشی مێسی كەوتۆتەوە

10/17/2019 12:04:00 PM 10379 جار خوێندراوەتەوە

خەندان سپۆرت

 

كریستیانۆ رۆناڵدۆی پورتوگالی و لیۆنێل مێسی ئەرجەنتینی ئەو دو یاریزانەن كە لە ماوەی 15 ساڵی رابردودا بەردەوام كێبركێ توند لە نیوانیاندا هەبوەو بەردەوام بەراورد لە نێوان ئەم دو ئەستێرەیەدا كراوە.

ململانێی نێوان رۆناڵدۆ و مێسی ئەمجارە بۆ تۆڕی كۆمەڵایەتی ئینستاگرامە، كە ماڵپەری "بینگۆ" بۆ ئامار و داتاكان لیستی پڕ بەهاترین یاریزانانی تۆپی پێی بڵاوكردۆتەوە، لە تۆڕی كۆمەڵایەتی ئینستاگرام، كە لە بەرامبەر بڵاوكردنەوەی هەر وێنەیەكدا زۆرترین بڕە پارە وەردەگرن.

كریستیانۆ كە لە ئینستاگرام خاوەنی 168 ملیۆن فۆڵۆوەرە، پێشەنگی سەرجەم كەسایەتییەكانی جیهانی گرتوە، كە پێشتر سیلینا گۆمێز خانمە ئەكتەر هۆڵیود لە ریزبەندی یەكەمدا بو، رۆناڵدۆ بۆ بڵاوكردنەوەی هەر وێنەیەكی بڕی 780 هەزار جونەی ئەسترلینی پێدەدرێت، كە دەكاتە یەك ملیۆن دۆلار.

لە نێو لیستی یاریزانانی تۆپی پێدا لیۆنێل مێسی پلەی دوەمی گرتوە لە بەرامبەر بڵاوكردنەوەی هەر وێنەیەكیشدا 518 هەزار جونەی ئەسترلینی پێدەدرێت، لە پلەی سێیەمیشدا دیڤید بێكهام دێت، هەرچەندە ئەو یاریزانە بۆ ماوەی ساڵانێكی زۆرە وازی لە یاریكردن هێناوە، بەڵام هێشتا لە روی ڕاگەیاندنەوە بایەخێكی زۆری پێدەدرێت.


نیشانەکردن :

#مێسی #کریستیانۆ

Copyright © 2017 Xendan.org all rights reserved

designed and developed by AVESTA GROUP