نەیمار لەگەڵ ریاڵ مەدرید لە پەیوەندیدایە

10/15/2019 5:30:00 PM 6475 جار خوێندراوەتەوە

خەندان سپۆرت

 

راپۆرتی رۆژنامەكانی ئیسپانیا ئاشكرایان كردوە، كە یانەی ریاڵ مەدریدی ئیسپانی بە شێوەیەكی نهێنی پەیوەندی لەگەڵ نەیمار دا سیلڤای بەرازیلی و یاریزانی یانەی پاریس سان جێرمان ئەنجامداوە.

رۆژنامەی ماركای ئیسپانی ئاشكرایكردوە، بەهۆی ئەوەی یانەی بەرشەلۆنە بە شێوەیەكی جدی كاری نەكردوە بۆ گواستنەوەی نەیمار، ئەو یاریزانە بە شێوەیەكی نهێنی لەگەڵ "ڕامۆس ، كاسمێرۆ، مۆدریچ و مارسێلۆ"ی یاریزانانی یانەی ریاڵ مەدرید پەیوەندی بەستوەو پێی ڕاگەیاندون كە حەز بە یاریكردن دەكات لە یانەی ریاڵ مەدریدی ئیسپانی.

هەمان سەرچاوە ئەوەشی ئاشكراكردوە، كە یانەی ریاڵ مەدرید هەوڵی بۆ گواستنەوەی ئەو یاریزانە داوە، بەڵام بەهۆی نەفرۆشتنی گاریس بەیل و جەیمس ڕۆدریگێز نەیتوانیوە پارەی پێویست بۆ گواستنەوەی ئەو یاریزانە بەدەست بهێنێت.

هاوینی رابردو رۆیشتنی نەیمار یەكێك بو لە باسە گەرمەكانی جیهانی تۆپی پێ و ناوی ئەو یاریزانە بە هەردو یانە ئیسپانییەكەوە دەبەستراییەوە، كە دواجار هیچ كامێك لەو دو یانەیە سەركەوتو نەبون لە گواستنەوەی ئەو یاریزانە و نەیماریش لە پاریس مایەوە.



Copyright © 2017 Xendan.org all rights reserved

designed and developed by AVESTA GROUP