ڤیدیۆ.. عێراق لە كەمبۆدیای بردەوە

10/15/2019 4:23:00 PM 4941 جار خوێندراوەتەوە

خەندان سپۆرت

 

لە میانەی یارییەكانی پاڵاوتنی وڵاتانی ئاسیا بۆ مۆندیالی 2022ی قەتەر و جامی نەتەوەكانی ئاسیای 2023، هەڵبژاردەی عێراق لە سێیەم یاریی خۆیدا بەرامبەر هەڵبژاردەی كەمبۆدیا یاریی كرد.

نیوەی یەكەمی یارییەكە یاریزانانی هەڵبژاردەی عێراق بە تەواوەتی كۆنتڕۆڵی یاریگەكەیان كردبو، هەربۆیە بە دو گۆڵ پێشكەوتن، گۆڵەكانیش ئیبراهیم بایش و مهند علی لە خولەكەكانی (22 و 41)ی یارییەكە تۆماریان كرد.

لە نیوەی دوەمی یارییەكەشدا یاریزانانی هەڵبژاردەی عێراق لەسەر پێشكەش كردنی ئاستە بەرزەكەیان بەردەوام بون لە خولەكی 57 ئەمجەد عەتوان گۆڵی سێیەمی بۆ عێراقییەكان تۆماركرد، لە خولەكی  62 ئەحمەد ئیبراهیم گۆڵی چوارەمی بۆ شێرەكانی ڕافیدەین تۆماركرد.

سەرئەنجام یارییەكە بە چوار گۆڵی بێ وەڵام لە بەرژەوەندی عێراق كۆتایهات و لە ئێستاشدا ئەو هەڵبژاردەیە بە كۆكردنەوەی حەوت خاڵ و بە شێوەیەكی كاتی ڕیزبەندی یەكەمی كۆمەڵەكەیان گرتوە.


نیشانەکردن :

#عێراق

Copyright © 2017 Xendan.org all rights reserved

designed and developed by AVESTA GROUP