لێدوانی رۆژنامەوانی راهێنەری هەڵبژاردەی عێراق

10/14/2019 2:40:00 PM 1932 جار خوێندراوەتەوە

خەندان سپۆرت

 

بڕیارە سبەی لە یارییەكانی پاڵاوتنەكانی مۆندیالی قەتەر و جامی نەتەوەكانی ئاسیای 2023 هەڵبژاردەی عێراق لە سێیەم یاریی خۆیدا لەدەرەوەی یاریگەی خۆی بەرامبەر هەڵبژاردەی كەمبۆدیا یاریی بكات.

پێش یارییەكە و لە كۆنگرەیەكی رۆژنامەوانیدا سیرچۆ كاتانیچ راهێنەری هەڵبژاردەی عێراق وتی.. " بۆ یارییەكەمان بەرامبەر كەمبۆدیا نە سەیری ئەنجامی ئەو هەڵبژاردەیە دەكەین بەرامبەر ئێران، وە نە بیر لە ئەنجامی ئەو یارییە دەكەینەوە، ئێمە تەنها كار بۆ ئەوە دەكەین ئەو یارییە بە سەركەوتن تێپەڕێنین، وە هەرگیز یاریزانانی هەڵبژاردەكەشم بیر لە ئەنجامی 14 بە سفر ناكەنەوە.

راهێنەرەكەی هەڵبژاردەی عێراق لە بارەی میمی هێرشبەری هەڵبژاردەكەیەوە وتی.. "ئەو یاریزانێكی باش و بە تواناییە، بەڵام تەواوی یاریزانانی هەڵبژاردەكە باش و بە توانان، وە پێویستە هەوڵی تەواوی خۆیان بدەن لە پێناو ئەوەی لەو یارییەدا ئەنجامێكی باش بەدەست بهێنین"

لە كۆتایدا كاتانیچ وتی.." زۆر بە باشی خۆمان بۆ ئەم یارییە ئامادە كردوە، چونكە تەواوی یاریزانەكان دەزانن بە بردنەوەمان لەم یارییەدا پێگەیەكی باش لە ریزبەندی كۆمەڵەكەماندا بۆخۆمان بەدەست دەهێنین".



Copyright © 2017 Xendan.org all rights reserved

designed and developed by AVESTA GROUP