مانچستەر یونایتد لەگەڵ ئەستێرەیەكی یۆڤانتۆس رێككەوتوە

10/14/2019 10:57:00 AM 2271 جار خوێندراوەتەوە

خەندان سپۆرت

 

یانەی مانچستەر یونایتدی ئینگلیزی لە هەوڵەكانی بەردەوامە بۆ ئەوەی یاریزانی نوێ بۆ ریزەكانی یانەكەی بگوازێتەوە، بۆ ئەو مەبەستەش چاوی لەسەر یاریزانێكی یانەی یۆڤانتۆسە.

رۆژنامەی سەنی بریتانی لە هەواڵێكدا ئاشكرایكردوە، كە یانەی مانچستەر یونایتدی ئینگلیزی كار بۆ گواستنەوەی هێرشبەرێكی نوێ دەكات بۆ یانەكەی، لە پێناو بەهێزكردنی هێڵی هێرشبەری یانەكەی، بۆ ئەو مەبەستەش لەگەڵ ماندزۆكیچی كرواتی لە گفتوگۆداییە.

هەمان سەرچاوە ئەوەشی ئاشكرایكردوە، كە ئەو یانەیە بە شێوەیەكی سەرەتایی لەگەڵ ماندزۆكیچی كرواتی رێككەوتوە بۆ ئەوەی لە گواستنەوەی زستانەی یاریزاناندا بەرەو یانە ئینگلیزییەكە بڕوات.

لە ئێستادا ماندزۆكیچ لە یانەی یۆڤانتۆس هەست بە بێزاری دەكات و هەوڵ بۆ جێهێشتنی ئەو یانەیە دەدات، چونكە ساری لە پێكهاتەی سەرەكی دوری خستۆتەوەو ناوی ئەو یاریزانەشی لە لیستی یاریزانانی یانەكەی بۆ یارییەكانی چامپیۆنس لیگ دورخستەوە. 



Copyright © 2017 Xendan.org all rights reserved

designed and developed by AVESTA GROUP